Full text: Vitruvius: Tesoro De Las Tres Lengvas Española, Francesca, Y Italiana

133. De la raiſon des horloges, enſemble de leur vſage, & de leur
inuention, meſmes par qui elle furent trouuees.
Chapitre IX.

L’ On dit que Beroſe de Chaldee inuenta l’hemi-
cycle, ou demirond caué en vn quarré, puis arron-
di pars dehors comme vne demi Boule.

Ariſtarque de Samos trouua la Scaphe ou He-
miſphere, & ſemblablement le plat dedans la for-
me vnie.

Eudoxus l’Aſtrologue imagina le premier l’Araignee: touteſ-
fois aucuns veulent dire que ce fut Apollonius.

Le Plinthe ou Lacunaire, tel que l’on en void vn au Cirque
Flaminien, eſt venu de Scopas de Syracuſe.

Parmenion nous a donné l’inſtrument dit Proſtahiſtoroume-
na c’eſt à dire monſtre hiſtoriee des Signes celeſtes attribués aux
mois, auec la diuiſion des jours, & les marques des heures.

Theodoſe exhiba le Proſpanclima, ou Quadran bon en tou-
tes contrees.

André Patrocles produiſit le Pelecinon, qui eſt en maniere
d’vne Congnee.

Dionyſodore trouua le Conon, portant ſemblance d’vne pom-
me de Pin, ou corps triangulaire.

Apollonius trouua la Pharetre ou Carquois, & autres modes,
que je laiſſe pour cauſe de brieueré.

Ces bons eſprits deſſus nommés, & pluſieurs autres, nous ont
enrichis de telles inuentions, meſme de la Gonarche, & l’En-
gonate, qui ont forme de Genouil, comme les mots le ſonnent,
& outre ce de l’Antiboree, laquelle ſe met directement oppoſite
au Septentrion, au contraire des autres ſortes qui s’expoſent tou-
tes au Mydi.

Sẽblablement beaucoup d’Auteurs nous ont eſcrit les moyens
pour en faire ſur ces genres, des autres commodes à porter
en voyage, & propres à prendre à la ceincture, tellement que ſi
quelcun en veut ſçauoir les practiques, il les pourra trouuer en
leurs liures, pourueu qu’il entende les deſcriptions des Analem-
mes, ainſi que j’ay dit cy deſſus.

D’auantage, ces meſmes Auteurs ont enſeigné les raiſons

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer