Full text: Vitruvius: Tesoro De Las Tres Lengvas Española, Francesca, Y Italiana

DE VITRVVE. eſtoile de merueilleuſe clairté, laquelle eſt par nos Latins com-
munement dite Prouindemia, & par les anciens Grecs Protryge-
tos, c’eſt à dire la meſſagiere de vendanges. Ceſte-là en ſon eſpe-
ce luiſante eſt plus coloree que les autres. A l’encontre d’elle il y
en a vne autre qui ne bouge d’entre les genouils du gardien de
l’Ourſe, parquoy on la nomme Arcturus, qui ſignifie la queuë de
l’Ourſe.

Apres, vis à vis du chef d’iceluy Septentrion, paſſe vn Charre-
tier trauerſant par deſſus les pieds des Iumeaux, & ſe plante ſur la
poincte de la Corne droite du Taureau: & ſur celle de la gauche,
aux pieds du ſuſdit Charretier, ſe void auſſi vne eſtoile que l’on dit
eſtre ſa main.

Au ſurplus, ſur l’eſpaule gauche du Taureau, & joignãt le Mou-
ton, ſont la Cheure & ſes Cheureaux, au coſté droit deſquels eſt
Perſeus, qui va courant par deſſous la baſe ou aſſiette des Vergi-
lies, & en la partie ſeneſtre giſt la teſte du Mouton.

Perſeus s’appuye de ſa main droite ſur le ſimulacre ou figure
de Caſſiopea, & de la gauche tient eſſeuee par deſſus le charre-
tier la teſte de Gorgone Meduſe, qu’il jecte ſous les pieds d’An-
dromeda, ſur le ventre de laquelle paſſent les poiſſons, & ſembla-
blement par deſſus le dos du Cheual volant, appellé Pegaſe, dont
vne eſtoile luyſante en acheuant ſon ventre forme la teſte d’An-
dromeda, qui a ſa main droicte ſur le ſimulacre ou remembrance
de Caſſiopea, & ſa gauche ſur le poiſſon aquilonaire, c’eſt à dire
eſtant en la partie d’Orient d’où ſouffle Boreas, autrement dit le
vent de Bize.

L’Aquarius, ou Verſeur d’eau, eſt au deſſus de la teſte d’iceluy
Pegaſus, qui de la pinſe de ſes pieds attaint les genouils de ceſt
Aquarius.

La moitié de la figure de Caſſiopea ſert auſſi à repreſenter lo
Capricorne: au deſſus duquel ſont l’Aigle & le Dauphin, auec la
Sajecte tout aupres d’eux.

Contre ceſte Sajecte eſt l’Aigle, qui du bout de ſon aiſſe droite
touche la main de Cepheus, & le Sceptre: mais Caſſiopea eſt ap-
puyee ſur ſa gauche.

Sous la queuë de ceſt oiſeau ſont cachés les pieds du Cheual,
du Sagittaire, du Scorpion, & vne partie des Balances.

Par deſſus tout celà le Serpent touche à la Courõne, auec l’ex-
tremité de ſon muſeau: mais l’Ophiuchus ſon porteur le t’ent en

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer