DE VITRVVE. elle touche les regions gelees, eſt extrement froide.

Mais Iupiter, d’autant qu’il eſt conſtitué entre iceux Mars & Saturne, de la froideur & chaleur deſquels ſon corps eſt moderé,
il ſe treuue auoir conuenable temperature, & en demonſtre les
effects.

I’ay ſuffiſamment expoſé ce que j’ay appris de mes maiſtres, tãt
du cercle des douze Signes, que des ſept Planetes, enſemble de
leurs mouuements & effects contraires, meſmes par quels moyẽs
& en quels nombres de jours elles paſſent de Signe en autre,
en parfaiſant lenrs circuïtions: parquoy maintenant je traicteray
de la luëur de la Lune croiſſante, & de ſa diminution, ainſi qu’il a
eſté deduit par nos anceſtres.

Le Philoſophe Beroſe, qui partit de la nation de Chaldee
pour paſſer en Aſie, a ainſi expoſé ceſte congnoiſſance, à ſçauoir
que ladite Lune eſt vne maſſe ou boule ronde, la moitié de blan-
cheur de laquelle eſt luiſante, & au demourant perſe: & quand
en faiſant ſon voyage elle roule par deſſous la ſphere du Soleil,
adonc de ſon globe atteinct de ſes rayons, & de l’impetuoſi-
té de ſa chaleur, tellement que la partie blanche conùenable à
receuoir lumiere, en eſt enluminee: puis quand icelle partie blan-
che eſt toute tournee contremont deuers le Soleil, ſon reſidu
regardant contrebas, & qui n’eſt blanc comme l’autre, nous ſem-
ble obſcur, à cauſe de la ſimilitude qu’il a naturellement auec le
ciel, par eſpecial quand ladite moitié perſe eſt en ligne perpendi-
culaire ou en plomb deſſus nous: car en ce poinct tout le blanc eſt
oppoſite aux rayons du ſoleil, de ſorte que la lumiere en eſt rete-
nue deuers le haut: & pendant celà on la dit prime Lune. Mais
quand elle ſe va tournant du coſté Oriental, l’impetuoſité d’ice-
luy Soleil la relaſche vn petit, & lors le bord de ſa moitié luiſante
enuoye ſa ſplendeur ſur la terre par vne ligne merueilleuſe-
ment ſubtile: & adonc eſt appellee ſeconde Lune. Puis ſelon
que ſon corps ſe tourne, on la nomme tierce, quarte, & ainſi de
jour en jour. Toutesfois au ſeptieme, quand le Soleil eſt en la re-
gion Occidentale, & ladite Lune entre l’Orient & l’Occident,
droit au milieu du ciel, diſtante de la ſphere du Soleil de tout le
demi diametre, la moitié de ſa partie blanche ſe monſtre claire-
ment à la terre.

Apres eſtant aduenu le quatorzieme jour, quand tout l’eſpa-
ce du ciel eſt interpoſé entre eux deux, & que le Soleil regar-