DE VITRVVE. 
249 
trauers faicte vne tranchec pour vn canal. Mais si ce n'estoit fors 
terre ou sable, faites des coffres de maçonnerie à trauers vos 
cauernes, si bien que la puissiez conduire par ceste voye jusques 
où vous la desirez auoir. Et s'il est que veuillez creuser des puits, 
donnez ordre qu'il y ayt pour le moins entre deux vn acte, qui 
est vne sente de quatre pieds en largeur, & six vingts en lon- 
gueur. 
Si vous conduysez vostre dite eau par des goulets de plomb, 
faites vne escluse ou reseruoir tout encontre la source: puis 
soyent les lames d'iceux goulets ordonnees selon l'abodance de 
l'eau, & ces goulets conduits depuis ceste premiere escluse jusques 
à l'auge qui sera pres des murailles. 
Les goulets de plomb ne soyent fondus moindres que de dix 
pieds en longueur : & s'il en faut cent pour vn rang continué, 
chacun d'eux soit de douze cents liures pesant. 
S'ily en faut seulement quatre vingts, chacune partie de ce 
goulet poise pour le moins neuf cents soixante. 
S'il n'en est requis que cinquante, leur poids soit de cinq cents 
seulement. 
Quand il n'en faudra que quarante; aduisez à ne leur donner 
sinon quatre cents quatre vingts de pesanteur. 
Où ce seroit assez de trente, le poids de trois cents soixante suf¬ 
fira pour chacun. 
Pour vingt, il ne les faudra que de deux cents quarante. 
Pour quinze, de cent quatre vingts. 
Pour dix, de six vingts. 
Pour huict, de quatre vingts & six. 
Et pour cinque de soixante seulement. 
Ces lames de plomb portent leurs noms acquis de la largeur 
des doigts & poulces qu'elles ont auat estre tournees en rodeur: 
car si vne d'entr'elles a cinquante poulces de large premier qu'e¬ 
stre mise au goulet, on l'appelle cinquantainerie, & ainsi conse- 
quemment toutes les autres. 
La conduite de l'eau donc, qui deura estre faicte par des gou¬ 
lets de plomb, se peut expedier en ceste sorte, à sçauoir que s'ily 
a pente depuis la source jusques aux murs de la ville, non empes¬ 
chee de montaignes entredeux, en ce cas faudra bastir les coffres 
de maçonnerie, & leur donner les glacis ou talus, suyuant ce que 
j'ay dit en parlant des fosses ou tranchees. Mais s'il ny auoit gue¬ 
Ii