Full text: Vitruvius: Tesoro De Las Tres Lengvas Española, Francesca, Y Italiana

DE VITRVVE. à dire conduite par le feu: ou ſelon aucuns Oniſis, qui ſignifie
aide & vtilité: ou bien, ſuyuant d’autres, Onyx, qui vaut autant que
claire & vnie comme vn ongle. Mais quoy qu’il en ſoit, ſi tel pre-
ſeruatif de cire blanche, eſt appliqué ſur la muraille, jamais ne
permettra que la lueur de la lune, ny les rayons du ſoleil, puiſ-
ſent en lechant arracher la couleur appliquee en ces ouura-
ges.

Or les officines ou maiſons des preparateurs & diſtribueurs de
ceſte marchandiſe, qui ſouloyẽt eſtre aux minieres d’Epheſe, ſont
à ceſte heure trãsſerees en ceſte ville, à raiſon que pareille eſpece
de veine fut depuis trouuee aux regions d’Eſpagne, d’où les mot-
tes s’apportent, & ſont cõduittes juſques en nos magaſins oufon-
diques, par les facteurs & entremetteurs qui en ont pris la charge,
& reſident entre le Tẽple de Flora (maintenant appellé Camp de
fleur,) & celuy de Quirinus.

Ledit Minium ſe falſifie auec de la chaux, que l’on meſle par-
mi: parquoy ſi quelcun veut eſprouuer s’il y a point de fraude,
prenne vne lame de fer, & en jecte vn petit deſſus, puis la mette
au feu, & l’y tienne juſques à ce qu’elle deuienne toute embraſee
adonc s’il void que par ceſt embraſement ſon minium ayt chan-
gé de couleur, & ſoit deuenu noiraſtre, oſte ſa lame hors du feu: & ſi en refroidiſſant il reuient en ſa premiere couleur, ce ſera ſigne
qu’il eſt loyal & marchand: mais où il garderoit vne cotte noire,
l’on peut eſtimer qu’il y a de la tromperie.

I’ay dit de ce Minium tout ce qui m’eſt peu venir en memoire: ce neantmoins encores diray ie de la Chryſocolle, que l’on ap-
porte du païs de Macedoine, & qu’on lafouille dedans les terres
prochaines des minieres d’airain. Et quãt au Minium, & à la cou-
leurs Inde, leurs noms declarent aſſez en quelles regions ils ſont
procreés par la Nature.

106. Des couleurs qui ſe font par art.
Chap. X.

I’Entreray maintenant ſur les matieres, qui eſtans deſ-
guiſees par autres genres de preparatiõs & tẽperatu-
res, reçoyuent proprieté de naïfues couleurs: & auant
toutes autres parleray de l’Atrament ou Noir, dont

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer