SEPTIEME LIVRE de grands honneurs à ces Auteurs là, pourautant que leurs in-
uentions exquiſes ſont & ſeront pour tout jamais fleuriſſantes
entre les humains, qui les reputent dignes de memoire, con-
ſideré qu’elles cauſent pluſieurs vtilités à toutes gents qui ſe
veulent meſler de baſtir: comme auſſi font les contentions de
Leochares, Bryaxes, Scopas, & Praxiteles, qui entreprindrent
ſouuentesfois à l’enuy l’vn de l’autre, d’enrichir certaines faces
de murailles, dont il nous eſt venu tout plein de choſes ſingu-
lieres. Toutesfois quelſques vns eſtiment que Timothee eſtoit
de la partie: & de ceſtuy là je puis bien dire que l’excellence de
ſon art, a faict renommer ſes ouurages entre les ſept Miracles de
ce monde. Mais encores en a-il eſté de moindres, qui ont donné
certaines reigles pour obſeruer les proportions des ſymmetries: comme Nexaris, Theocydes, Demophile, Pollis, Leonidas, Sila-
nion, Melampe, Sarnac, & Euphranor: puis d’autres ingenieux qui
ont traicté des Machines, comme Cliades, Architas, Archimedes,
Cteſibius, Nymphodore, Philode Byzance, Diphile, Democles,
Charidas, Polyidos, Phyros, Ageſiſtrate, & autres, des volumes ou
commentaires deſquels j’ay tiré & reduit en vn corps toutes les
particularités qui m’ont ſemblé plus neceſſaires: ce que j’ay faict
expres, pour auoir conſideré que les Grecs ont eſcrit beaucoup
de liures d’Architecture, & nos Latins ſi peu que rien. Si eſt-ce
qu’vn certain Fuffitius ſe propoſa le premier d’en faire vn volu-
me qui ſeroit admirable.

Auſſi Terence Varro, entre les neuf ſciences qu’il a traictees,
en fit vn volumé: & Publius Septimius deux: mais outre ce n’eſt
apparu qu’aucun s’en ſoit voulu entremettre, nonobſtant que
nos Citoyens anciẽs ayent eſté ſi excellents Architectes, qu’ils en
pouuoyent donner des reigles ſingulieres, & les coucher en ſtile
non moins elegant que proffitable. Quil ſoit vray, au temps que
les bons ouuriers, Antiſtates, Calleſchros, Antimachides, & Pori-
nos, edifioyent en Athenes le Temple de Iupiter Olympique,
dont Piſiſtrate fourniſſoit la deſpenſe, ces Maiſtres firent ſans
plus les fondements: car aduenant la mort du Prince, ils furent
contraints par les troubles & diſſenſions de la Republique, de
laiſſer l’ouurage imparfaict: qui demoura ainſi enuiron deux
cents ans: leſquels expirés, Antioche delibera de continuer les
frais pour acheuer ceſte beſongne: & de faict appella vn certain
Coſſutius Citoyen Romain, lequel s’en acquitta treshonora-