SIXIEME LIVRE 
182 
qu'il est oppose au cours dudit Soleil, chose qui le rend sain, & 
donne volupté à l'vsage des personnes. 
Semblablement les Cabinets, Contrepointeries, Broderies, & 
Boutiques de Peintres, doyuent estre exposees audit Septentrion, 
à fin que les couleurs que tels ouuriers appliqueront en leurs 
besongnes, demeurent en immuable qualité, qui sera causee par 
la constance de la lumiere, laquelle est tousiours egale de ce co¬ 
sté fà. 
Des places propres & conuenables aux edifices tant communs que 
particuliers, ensemble des façons requises pour toutes 
manieres de personnes. Chap. VIII. 
Mcores que les bastiments soyent tournés deuers 
les regions du Ciel ainsi que nous auons ensei- 
gné, si faut-il d'auantage penser à bien situer les 
habitations des peres de famille, & aduiser com¬ 
ment les membres communs & particuliers de¬ 
d 
uront estre disposes: car il n'est pas licite à toutes 
gents d'entrer en ceux qui sont reserués pour les Maistres, com¬ 
me Chambres, Salles, Estuues, & autres de semblables vsages, mais 
seulement à ceux qui y sont inuites. 
Les communs sont où chacun a liberté d'aller & venir de sa 
propre autorité sans que lon l'y. appelle, comme Auantportails, 
Basses courts, Peristyles ou Galleries, & toutes autres de pareil v¬ 
sage. A ceste cause il n'est requis bastir des Auantportails, Estudes 
ou Comptoirs, ny Auantlogis magnifiques pour personnages de 
mediocre fortune, considere que ceux la font la court aux riches, 
à fin d'acquerir leur amitié, comme ces riches font aux supe- 
rieurs, pour entrer en leur bonne grace, & estre secourus de leur 
faueur au besoing. 
Semblablement çeux qui font mestier & marchandise des 
fruicts de la terre, doyuent auoir à l'entree de leurs maisons, E¬ 
stables & Boutiques, puis au dedans quelsques Chambrettes 
voutees, ensemble des Greniers, Celliers, Caues, & telles aisan- 
ces, plus propres à garder iceux fruicts, que mignotees pour la 
beauté. 
Pour Banquiers, Vsuriers, Publiquains, Changeurs & autres qui 
prestent