Full text: Vitruvius: Tesoro De Las Tres Lengvas Española, Francesca, Y Italiana

DE VITRVVE. 
171 
posee pour faire vne parfaicte harmonie. A ceste cause les nations 
qui sont entre le Pole de Midi & celuy du Septentrion, ont com¬ 
munement vn son moyen de voix & de parole, comme lon void 
que les cordes font en instruments de Musique: & celles qui ten¬ 
dent le plus au Septentrion, pource que leurs distances depuis la 
terre jusques au Ciel, sont plus hautes que des autres, mesmes 
qu'elles ont les organes de la voix replets d'humeur, & entonnés 
depuis le Hypatos jusques au Prossamuanomenos, la nature les 
contraint à rendre des sons plus graues, & par ceste mesme rai¬ 
son les gents qui tendent le plus deuers le Midi, font le son plus 
subtil, comme celuy de Paranete. Mais pour experimenter si ce¬ 
ste proposition est veritable, à sçauoir que les choses se rendent 
plus graues par les lieux humidés, & plus gresses par les chauds, 
l'on en peut faire l'espreuue par ceste voye. 
Prenez deux vaisseaux egalement cuits en vne fournaise de 
mesme poids, & mesme son. Plongez l'vn dedans l'eau,puis le re. 
tirez, & apres les sonnez tous deux, & vous y trouuerez de la diffe¬ 
rence grande, mesmes qu'ils ne seront plus egaux en pesanteur, 
Ainsi entre les corps des hommes, lesquels sont de semblable es¬ 
pece en leur forme, & crées par la seule conjonction du ciel auec 
la terre, les vns en battant l'air de leur voix, font vn son merueil- 
leusement delicat, à cause de la vehemente ardeur du pais où ils 
habitent: & les autres rendent graues qualités de voix, à raison de 
l'excessiue abondance d'humeur dont ils sont pleins. Aussi les na 
tions meridionales, pour amour de la subtilité de l'air, & au moyen 
de la chaleur qui les bat continuellement, sont plus promptes & 
agiles d'esprit pour trouuer inuentions, & consulter le bien de leurs 
affaires, que toutes autres. Mais les Septentrionales, enrosees de la 
grosse vapeur du ciel, & refroidies par les humidités de l'air, ont 
les entendements tardifs: chose que la nature des Serpents nous 
peut facilement donner à congnoistre: car quand le refroidisse¬ 
ment de leur humeur est desseiché par le temps d'Este, adonc se 
meuuent ils impetueusement: mais en hiuer, & durant les bruines, 
estant refroidis par la mutation du Ciel, ils deuiennent pesans & 
presque immobiles: & pourtant ne se faut esmerueiller si l'air 
chaud rend les entendements plus penetrans, & au contraire si le 
froid leur cause celle tardiueté. 
Toutesfois, nonobstant quę lesdites nations meridionales soyent 
pourueuës de grande viuacité d'esprit, & par ce moyen tant ha- 
Y. i
	        
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer