Full text: Vitruvius: Tesoro De Las Tres Lengvas Española, Francesca, Y Italiana

QVATRIEME LIVRE apres des diſpoſitions Tuſcanes, diſant comme elles ſe doyuent
conduire.

67. La façon de Baſtir les temples à la mode Tuſcane.
Chap. VII.

LA longueur de la place où lon vouldra baſtir vn
temple à la Tuſcane, ſe doit meſurer en ſix diui-
ſions, & en donner les cinq à la largeur: puis ceſte
longueur ſoit egalee en deux: & la part qui ſera-
pour eſtre interieure, aſſignee à l’eſpace des ora-
toires & la prochaine du front ou face de deuant,
laiſſee pour la diſpoſition des colonnes. Celà faict, ceſte largeur
ſe mipartiſſe en dix portions, trois deſquelles de chacun coſté,
tant à droit comme à gauche, ſoyent diſtribuees aux petits ora-
toires, ou laiſſees pour les paſſages auſquels deuront eſtre les al-
lees: puis les autres quatre reſeruees pour ſon milieu. Mais au re-
gard de la place qui ſera en la face du temple deuant la Nef, il
faut qu’elle ſoit ſi bien diſtribuee pour les colonnes, que les deux
rangs qui feront les coins, ſoyent aſſis droit à droit des pilaſtres
mis ſur les angles pour contreforts: & les deux autres du milieu,
reſpondent aux bouts des parois ſituees entre les pilaſtres & le
milieu de l’edifice, à fin qu’entre leſdits pilaſtres, & icelles pre-
mieres colonnes lon en puiſſe aſſoir d’autres entredeux, reſpon-
dantes en meſine ligne. Toutes ces colonnes portent de diame-
tre par embas vne ſeptieme partition de leur hauteur, la-
quelle monte à vne tierce de la largeur du temple: leur bout d’ẽ-
haut voiſe en reſtreciſſant d’vne quarte partie d’iceluy diame-
tre.

Leurs baſes ayent de hauteur la moitié de ceſte meſure, dont
le Plinthe ſoit ſi bien meſuré au compas, qu’il arriue à la moitié
d’icelle baſe: & par deſſus ce Plinthe ſoit aſſis le Bozel auec ſon
quarré: montans eux deux enſemble à egale hauteur de ce
Plinthe.

La hauteur du chapiteau de ladite colonne Tuſcane ſoit au-
rant que la moitié de ſon diametre par embas: & la largeur de ſon
tailloir ſe tienne auſſi grande comme eſt ledit diametre tout
cntier.

Icelle hauteur de chapiteau ſoit diuiſee en trois parties: l’vne

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer