Full text: Vitruvius: Tesoro De Las Tres Lengvas Española, Francesca, Y Italiana

TROISIEME LIVRE perieure, la couronne, la cymaiſe inferieure, la tenie où ſont les te-
ſtes des triglyphes, les triglyphes auecles metopes, la tenie, les rei
gles en l’architraue, d’où pendent ſix gouttes: Du chapiteau, la
reigle ou filet, la cymaiſe, le plinthe, l’echine, les trois anneaux,
l’hypotrachelium, qu’aucuns appellent gorgerin: De la colonne,
l’aſtragale, l’anneau ſuperieur auec l’apophyge, l’apophyge infe-
rieure auec l’anneau: De la baſe, le tore ſuperieur, la reigle ou filet,
le trochile ou ſcotie, la reigle ou filet, le tore inferieur, le plinthe: Du ſtylobate & de la cornice, la reigle, la cymaiſe, l’aſtragale, la
reigle, le quarré diagone: De la baſe, la reigle, l’aſtragale, le tore,
le plinthe.

Senſuit la troiſieme eſpece, qui eſt l’Ionique, en l’explication
de laquelle il ne nous ſera pas permis de commencer par le plus
haut de la trabeation, c’eſt à dire par la cornice, comme nous a-
uons faict en la precedente: mais à cauſe que l’architraue, c’eſt à
dire l’epiſtyliũ, eſt l’eſchantillon duquel nous nous ſeruironnspour
meſurer les autres parties, il nous eſt force de commencer par là. Laconfideration de l’architraue Ionique n’eſt pas ſimple: Mais il
faut prendre ſa hauteur de la hauteur de la colonne. Comme ce-
la ſe fait, Vitruue l’a eſcrit au chapitre precedent, tellement que
c’eſt autant d’eſpargné pour moy. Ayant dreſſé comme il faut la
hauteur de l’architraue, ſelon que Vitruue l’ordonne, il la faudra
diuiſer en ſept parties, deſquelles l’vne ſera pour la cymaiſe. Les
fix parties qui reſteront, ſe diſtribueront en trois bandes, deſquel-
les l’vne en aura trois parties, (& la groſſeur de celle-cy doit re-
ſpondre à la groſſeur du tailloir haut de la colonne.) La moyen-
ne en aura quatre. La plus haute, (qui ſera auſſi groſſe qu’eſt gros
le tailloir d’embas,) en aura cinq. Ainſi les parties de l’architra-
ue, ſans la cymaiſe, ſeront douze, La trauaiſon, autrement appel-
lee zophore, (qui ſe faitquand les teſtes des cheutons ſont cou-
nertes comme par vne table continuelle) ſi elle eſt ſimple, il la
faudra faire moindre d’vne quarte partie que l’architraue: mais
ſi elle eſt grauee: il la faudra faire plus grande d’vne quarte par-
tie. Et la cymaiſe ſera haute d’vne ſeptieme partie d’iceluy. Sur la
cymaiſe faudra poſer la dentelle de la cornice: ainſi s’appelle la
bande qui eſt coppee à façon de dents, qui repreſentent les teſtes
des aix, La hauteur des dents, (nous les appellerons ainſi, pour
plus facilement enſeigner) ſera deux fois plus grande que leur
largeur. L’eſpace creux, qui eſt laiſſé entre deux, ſera plus haut

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer