DE VITRVVE. 
67 
Le Prostyle a toutes les particularités de celuy à Antes: mais il 
a d'auantage deux colonnes contre les pilastres des coins, & son 
Architraue pardessus, ne plus ne moins que le dessusdit: puis en¬ 
cores est decore d'vne autre assise sur chacune areste de ses en- 
coignures. L'exemple de cestuy là est en l'isse du Tibre, au tem- 
ple de lupiter & Faunus. 
L'Amphiprostyle aussi a tous les ordres de ce Prostyle, & oustre 
plus a en son fons ou postique, des colonnes, & son faiste propre, 
ainsi qu'il sera dit. 
Le Peripterique sera celuy qui en ses deuant & derriere aura six 
colones, & sur les costés onze, à compter celles des coins, & que ces 
colones seront assises de sorte qu'il y ayt autant de distance depuis 
ses murs de toutes parts jusques à elles, que la grandeur de l'entre¬ 
colone se pourra estendre, & ce pour faire vn promenoir à l'entoui 
de la nef, comme il y a au Portique ou gallerie de Metellus dediee 
à lupiter Stator, en ceste là d Hermodius, & en celles de Marius 
consacrees à lHoneur & à lam Vertu, qui furent faictes par vn certain 
Mutius, lequel n'y voulut point mettre de fons à mur razé. 
Le Pseudodipterique est de tel art, qu'en son commencement & 
en son bout il y a huict colonnes, & quinze sur les costés, à compter 
celles des coins. Les murailles de la Nef sont directement oppo¬ 
sites aux quatre colonnes du milieu, posees tant audit commencement 
qu'en son bout: & depuis le tour de la muraille jusques aux pieds 
desdites colonnes, y a autant d'espace, comme contient la longueur 
de deux entrecolonnes. Nous n'auons point de monstre de cecy 
en ceste ville, mais il s'en treuue en Magnesie en Asie, au Temple 
de Diane edifié par Hermogenes Alabandus, & en celuy d'Apol- 
lo, faict par vn maistre qu'on nommoit Amnestus. 
Le Dipterique est octastyle, c'est à dire à vn reng de huict colon¬ 
nes tant en son principal rencontre qu en son fons: & enuiron le 
tour de sa Nef à double ordre d'icelles colonnes, ne plus ne moins 
que le Temple de Quirinus, basti à la façon Dorique, & celuy de 
Diane en Ephese, edifié à l'lonique par Ctesiphon. 
Lypaethrique aussi est decastyle, pource qu'il a dix doubles co¬ 
lones arrengees en lignes droites, tant en so front qu'em son postique: 
& au demourant contient toutes les particularites du Dipterique: 
mais dauantage a encores en sa Nef dedans oeuure, d'autres co¬ 
lonnes reculees du circuit de la muraille, comme si c'estoit pour 
yn Portique ou Peristyle. Le milieu de ce bastiment est expose 
1 1