DE VITRVVE. 
63 
Proportion est vn certain rapport & conuenance des mebres 
ou particularités à toute la masse d'vn bastiment: & de ceste la 
vient à se parfaire la conduite d'icelles symmetries. 
Ornya-il ne Temple ny autre edifice qui puisse auoir grace 
de bonne structure sans symmetrie & proportion, & si la conue¬ 
nance n'est gardee en toutes ses parties aussi bien qu'en vn corps 
humain parfaictement formé. 
Ce corps humain a esté composé de la Nature par vn tel artifice, 
que depuis le bout de son menton jusques au plus haut de son front, 
où est la racine de ses cheueux, celà fait vne dixieme partie de son 
estendue. Autant en emporte la longueur de la main depuis le pli 
par où elle joinct au bras, iusques à l'extremitem du doigt du milieu. 
Toute la teste, à prendre depuis le bout du fusdit menton jusques 
à la sommité du test, contient vne huictieme partie: & autant en 
deuallant par derriere jusques à la fin du col. Depuis le haut de 
la poictrine jusques aux plus basses racines des cheueux, c'est vne 
sxieme portion: & si lon monte jusques au plus haut du test, elle 
vaut justement vne quarte. 
Quant à la mesure du visage, depuis le bout du menton jusques 
au dessous des narines, celà en tient vne troisieme partie. Le nez 
aussi, depuis le bout des susdites narines jusques au milieu d'être 
les deux sourcils, s'estend en pareille longueur: & l'espace de ce 
poinct là jusques à la plus basse racine des eheueux, qui fait que le 
frôt en a tout autant. Le pied, à comprendre la rondeur du talon passant 
par dessous la semelle jusques à l'extremité du secondarteil, arriue 
avne sixieme partie de toute la hauteur du corps. La coudee, c est 
adire depuis le pli du bras iusques au bout du doigt du milieu de 
la main, fait vne quatrieme bien mesuree: & la poictrine ne plus 
ne moins, à prendre depuis le commencement du ventre au des¬ 
lus du nombril, jusques au dessous du menton. 
En cas pareil tous les membres ont chacun leurs parfaictes me¬ 
iures & proportions, qui ayant esté suyuies par les bons Peintres 
& lmagiers anciens, leur ont acquis des louanges infinies. A ceste 
caufe ie dy que les membres des maisons sacrees doyuent auoir 
en toutes leurs parties vne correspondance de mesures, se ren¬ 
geans à la totalité de la masse. 
Or le centre ou poinct du milieu du corps de l'hôme est natu- 
rellement le nonbril: car si ledit homme estoit couchèm tout plat, a¬ 
lant les pieds & les mains estendues, puis que lon mist vne iambe 
..... 
I1