SECOND LIVRE 
46 
de bloccage : en forte qu'ils font des oeuures dont on né peut 
voir la fin: & bastissent en deux manieres: l'vne qu'ils appellent 
Isodomon, & l'autre Pseud'isodomon. L'isodomon est quand les 
couches de maçonnerie sont faictes d'vne mesme espaisseur: & 
le Pseud'isodomon, quand leurs ordres ou rangees sont inegales 
& differentes. 
Ces deux façons de bastiment sont aussi fortes l'une comme 
l'autre, specialement pource que les moellons sont espais, & de pro¬ 
prieté solide: parquoy ne peuuent succer la liqueur du mortier 
mais la conseruent en son humidité jusques à perpetuelle vieil 
lesse. Dauantage leurs couches estas faictes vnies, egales ou appla¬ 
nies au nyueau, ne permettent que la matiere s'enfonse, ains quand 
l'espaisseur des murailles est bien liee & enclauee, cela les tient, & 
fait durer à jamais. Toutesfois il est encores vne autre sorte de 
bastir, que lesdicts Grecs appellent Emplecton, c'est à dire liee, de 
laquelle leurs paisans se seruent. De celle là, le front ou superficie 
s'esquarrit au marteau, & le reste se met en oeuure tout en la sor¬ 
te qu'il vient de la nature, en le liant de mortier & de pierres, ainsi 
que l'effect ou occasion se presente. 
Mais les nostres, cherchans d'auoir plus tost expedié, ne s'amu- 
sent à esquarrir ces pierres par le dehors, ains seulement les rangent 
à la reigle au plus pres du juste: puis remplissent les entredeux de 
bloccage, sur quoy ils jettent du mortier: tellement qu'en ceste 
manieré de bastir se font trois croustes, à sauoir deux des superfi- 
cies du deuant, & du derriere, & la troisieme du mylieu, laquelle 
est farcie de bloccage, comme dit est. 
Les Grecs ne font pas ainsi: car ils ne les mettent en oeuure sans 
estre premierement esquarries par vn costé: & ne laissent point 
d'entredeux pour mettre des petites parmi les grandes en la face 
de la muraille. ains la rendent massiue par celles qu'ils ont ja ega¬ 
lees, & faictesd vne mesme espaisseur. Toutesfois outre celà ils en 
trauersent des grandes & longues esquarries de toutes parts, qu ils 
nomment Diatones, c'est à dire estendues, lesquelles en trauer¬ 
sant toute l'espaisseur de la muraille, la lient, & luy donnent vne 
bien grande fermeté. 
Ainsi donc, si par l'instruction de ces miens Commentaires quel¬ 
cun veut choisir ou essire vne forme pour biem bastir, il pourra fai¬ 
re faire vn ouurage perdurable: là ou s'il besongne de bloccage 
mollet, ne s'arrestant sinon a la beaute: quand son edifice deuiedra 
yn petit