Diſſertatio Decima ſcetur; maximè ſi non fuerint penitus vi ignis abſtracta alia prin-
cipia, quę Corpus miſtum conſtituebant. Quod ſi cineres aliqui
ſint excocti adeò, vt partes ſulphureæ ferè omnes abierint, neque
iam vllo nexu ſales reliqui iungantur cum terrâ, cui commiſcen-
tur, ſed ab eâ facilè ſeparabiles ſint, ex his faciliùs lixiuium con-
ficitur affuſâ aquâ, quæ ſale imbuitur, etiamſi frigida ſit; quam-
uis multo plus extrahat ſalis, ſi feruens fuerit, nam igniculis cum
aquâ penetrantibus cinereos puluiſculos aqueæ particulæ ſalibus
vniuntur, & ſecum rapiunt particulas ſalinas, quas frigida non
potuiſſet inde auellere, ſaltem tam breui tempore. Hinc pluri-
mum intereſt in foco cineres diu manſiſſe, quo meliùs noui ignis
calore excoquantur, & ſales aliorum principiorum conſortio pri-
uentur, vt faciliùs affuſæ aquæ iungantur; alioquin ex recentibus
cineribus (niſi fortè ex ingenti aliquo igne calcariæ aut laterariæ
fornacis reliqui fiant) parùm efficax lixiuium paratur, cum
exiguæ tantùm ſalis particulæ ſoluantur: contra verò ex ci-
nere probè excocto plurimum ſalis longâ maceratione au
ebullitione educitur, ideoque valdè acre lixiuium paratur.

Maur. Humore aqueo ſalem ſolui notiſſimum eſt, huncque ſo-
lutum educi ex cineribus. Id quod viſus eſt obſeruâſſe olim Any-
ſis cœcus Rex Ægypti apud Herodotum lib. 2. , qui, Sabaco cum
magnâ Æthiopum manu excurrente in Ægyptum, fugâ ſe in
paluſtria proripuit, & quinquaginta annos) quandiu Sabacus
Ægyptum obtinuit) habitauit Inſulam *cinere atque humo ag-*
*geſtâ. Nam ut quiſque Ægyptiorum iuſſus illuc ibat portans fru-*
*mentum, ei mandabat, ut clam Æthiope ad ſe dono etiam cine-*
*rem ferret: * cui Inſulæ nomen eſt Elbo, decem omnino ſtadio-
rum magnitudinis. Voluit ſcilicet paluſtris ſoli vitium purgare,
atque tellurem frugiferam reddere; quemadmodum enim ſal car-
nibus, aut piſcibus aſperſus humori ſuperſluo adhæret, illum-
que attenuans in vaporem ſenſim abire cogit, eaque ratione
carnes aut piſces exſiccatos à putredine immunes reddit; ita
pariter cinerum ſal vliginoſi agri ſuperuacaneum humorem
diſſoluebat, atque addita ſicca cinerum terra imbuebatur
humore.

Grad. Oboeſas mulieres, quæ magna ex parte ſteriles ſunt, mo-
derato ſalis vſu in condimentis fœcundas euaſiſſe non ſemel audi-
ui; & ex Læuino Lemnio ſcripſit Mizaldus Memorab. cent. 2. nu. 66.