Full text: Casati, Paolo: De igne dissertationes physicae

De his quæ Virtute Calida dicuntur. ptæ (quidni etiam aliqui coniuncti cum Sulphure Spiritus?) adhuc
hærent in calcis refrigeratæ cauernulis, & aliquæ etiam amico
quodam fœdere adhærent ſali lapidis. Affuſâ igitur aquâ lique-
ſcit ſal; tunc non ipſe ſolùm, ſed etiam ſulphureæ lapidis calcarij
particulæ, vnâ cum ſulphureis particulis abigne ingeſtis, quibus
non eſt proximè & immediatè cum aquâ commercium (ſicut néc
Sali cum Spiritibus) ſolutæ omni vinculo agitantur, atque ſeipſas
& reliquas calcis particulas commouendo efficiunt, vt calx intu-
meſcat, & vehementiùs ab illis exagitatus humor abeat in fu-
mum, qui ſi congruo Recipiente excipiatur, cogitur in liquorem
ſubdulcem; ſale nimirum facto volatili ex Sulphuris atque Spiri-
tuum Sulphuri coniunctorum conſortio. Hinc ſi calx iteratis vi-
cibus lauetur, ita ſalem omnem in aquâ deponit, vt demum pul-
uis remaneat acrimoniæ penitùs expers, qui tutò adhiberi poſſit,
vbi opus ſuerit multis mitigationibus lenire medicamenta. Quod
ſi aquæ loco, aut aquei humoris, oleum calci affundas, non ex-
citatur calor, neque fumus, quia oleo ſal non liqueſcit: atque
adeò ſulphureæ particulæ non liberantur vinculo, quo teneban-
tur, ſed potiùs obſtructis tenaciter poris impediuntur, ne ſimul
congregentur, & agitentur. Calcem ſanè admirandum eſſe Natu-
ræ opus, negari non poteſt, & , vt obſeruauit S. Auguſtinus lib. 21. de Ciu. Dei cap. 4. ſi de aliquo lapide in India ea narrarentur,
quæ in calce quotidie videmus, vix fortaſſe fidem adhiberemus,
& ferè pro miraculo haberemus; ſed lapis calcarius, vt ille qui-
dem lo quitur, *occultiſſimè ab igne ignem concipit; Cumque iam*
*gleba tangentibus frigida ſit, tam latenter ignem ſeruat, vt nul-*
*li noſtro ſen ſui prorſus appareat; ſed compertus experimento, etiam*
*dum non apparet, ſciatur eſſe ſopitus: * Ex quibus S. Doctoris ver-
bis non parùm confirmari videntur, quæ de igniculis ſopitis atque
excitatis diximus.

Verùm, antequam inuicem digrediamur, vnum adhuc mihi
videtur non prætereundum per diſſimulantiam; quod, vt verum
fatear, mecum ipſe tacitus miratus ſum à vobis hactenus intactum
relinqui: niſi fortè idcircò, quia hìc Naturæ ſcrutatores agimus,
non myſteriorum interpretes, alienam à noſtro inſtituto diſpu-
tationem exiſtimâſtis. Quia tamen Philoſophiam ita Diuinæ ſcien-
tiæ ancillari oportet, vt ne quid Catholicæ Fidei effatis, vel per
vmbram, minùs conſonum videri poſſit ijs, qui minùs attentè

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer