7. COSMVM TERTIVM
ETRVRIÆ PRINCIPEM.
10: AL FONSVS BORELLIVS F.

H A V D puto, Sereniſsime Princeps,
timorem cœleſtis irę, ſed Amorem
potius, & beneficentiam primùm
in orbe Deos feciſse; nec alios ab
initio habitos cum Prodico cenſeo,
quàm res humano generi ſummo-
pere vtiles, & ſalutares. Et ſa-
nè conſentaneum eſt in primorum hominum men-
tibus, quibus reuelationis lumen non affulſit, excita-
tam fuiſſe notitiam cuiuſdam naturæ, quæ eſſet mun-
di veluti Princeps, & Parens, quotieſcumque non
perfunctoriè attenderet animum præcipuè ad boni-
tatis affluentiam, mirabiliumque, & inſignium vti-
litatum comprehenſionem, qua Solaris ſplendidiſ-
ſima machina lumine ſuo ordinatiſsimè circumacto
cuncta viuificat, fouet, ac nutrit; mirarenturque li-
beralitatem Telluris, cùm tot opes, ac copias plan-
tarum, fructuum, animalium è ſinu ſuo veluti mater
benigna mortalibus præbet. Hæc & fimilia dum
priſci homines contemplarentur, fieri non potuit,
quin tantorum munerum largitores grato affectu
proſequerentur. Neque alia ratione cúm viri heroi-
ca virtute præditi artes, & inuenta præclara valdè
vtilia ingeniosè iuxta, ac liberaliter mortalibus con-