Full text: Musschenbroek, Petrus: Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes

In animum induxeram ſingula hæc ſtrata ſeorſim examinare,
verum aliis diſtrictus negotiis, uſque in ſequentem diſtuli hoc nego-
tium diem; quo animadverti maſſam ab humido aëris fuiſſe molliorem
redditam, ut ſtrata accurate ſeorſim ſeparare non potuerim, adeo-
que omnia modo inter ſe permiſcui.

2. Hujus maſſæ drachmis tribus phialæ immiſſis ſuperaffudiaquam
putealem ad eminentiam unius digiti, digeſſique in furnulo ligneo
octo diebus, quibus eliciebatur Tinctura, pellucida, mediocriter
ſpiſſa, ex fulvo flaveſcens, quaſi in aqua rubigo ferri ſoluta fuiſſet: manſit in fundo phialæ potiſſima pars Magnetis non ſoluta.

3. Tincturam leniter effuſam, ut nihil pulveris adeſſet, inſpiſſavi
& exſiccavi in vaſe puro porcellanico, quæ dedit pulverem auran-
tii coloris, ſaporis ſalſi & adſtringentis, quaſi aliquid vitrioli mar-
tis admiſtum fuiſſet; qui pulvis nequaquam a Magnete attractus
fuit, licet armaturæ pes ipſi immediate applicaretur.

4. Hunc pulverem aurantium inditum crucibulo, igni commiſi
aperto, ſolvebatur primo in fluidum, quod ebulliit, inſtar aquæ,
perpetuo emittens fumos copioſos, poſtea manſit pulvis nigreſcens,
ejuſdem coloris ac Magnes ante inſtitutam operationem, & quiab
alio Magnete iterum vehementer attrahebatur, imo æque valide,
ac ſi pulvis Magnetis nullam actionem Ignis expertus fuiſſet.

5. Aliam portionem maſſæ deſcriptæ in §. 1. ſumſi ad ℨiij, ei-
que immiſſæ phialæ altæ ſuperaffuſum eſt Alcohol vini per ſe de-
ſtillatum, cum quo digeſtum eſt per octiduum, elicita fuit Tinctu-
ra ſpiſſior, viridiuſcula, manente ad fundum maxima parte pulve-
ris Magnetis non ſoluta: hæc Tinctura habuit ſaporem acrem ſub-
ſalſum.

6. Ex hac Tinctura eduxi omnem Spiritum vini, remanente in
fundo vaſis quamplurimo pulvere ex flavo fuſco, ſaporis ſalſi, ſed
acerrimi & rodentis, qui nullum indicium attractionis edidit, Ver-
ſorio aut Magnete ipſi appoſitis.

7. Hic pulvis igni aperto commiſſus in crucibulo, edidit eadem
phænomena, quæ pulvis in §. 4. deſcriptus, abiitque in eundem
pulverem Magneticum nigreſcentem.

8. Manſerat igitur in phialis pulvis Magnetis non ſolutus, nec in aqua,
necin Alcohole vini, hunc igitur inditum crucibulo, leniter exſiccavi,

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer