Full text: Musschenbroek, Petrus: Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes

INTRODUCTIO AD COHÆRENTIAM ut comparari cum ea vegetabilium poſſit, & videri an major mi-
norve ſit: ſi ad vim vitalem attendamus, quæ in animalibus partes
fluidas ſibi invicem apponit, compingitque in maſſam ſolidam, hæc
multo major videtur iis viribus, quam quæ idem in Vegetabilibus
efficiunt, in quibus lenta tantum humorum circulatio, & debilior
partium appoſitio fit; unde, fluidi nutrientis partibus æque magnis,
æque ſolidis, ejuſdemque figuræ poſitis, major Cohærentia fibrillæ
animalibus tenuiſſimæ videretur futura, quam fibrillæ vegetabilis
æque craſſæ.

Verum non pendet Cohærentia fibrillæ tantum a vehementiori
impactu, quo particulæ ſibi impoſitæ ſunt, ſed ab earum ſolidita-
te majori minorive, tum a planiori aut aſperiori ſuperficie, quâ ſe
attingunt; hinc enim plus minuſve ſe attrahunt: Sint igitur partes
nutrientes animales ſolidiores quam vegetabiles, plus materiæ at-
trahentis in ſe continebunt; ſint præterea planiori ſuperficie do-
natæ, ut ſe majori ſuperficie contingant, etiam fortius ſe attrahent; quamobrem in animali partes fibram compoſituræ hoc modo con-
ſtitutæ, multo fortius ſe attrahent, & proinde magis cohærebunt
quam aliæ rariores aſperioresque in vegetabili: contra Vegetabile
ejuſmodi partibus donatum, fortius cohærebit quam animalis fibra
ê partibus rarioribus aſperioribuſque compoſita: a priori igitur de-
terminari nequit, an vegetabile an animale ſolidum æque craſſum
firmius debiliusve futurum ſit, quamobrem ad Experientiam ve-
niendum erit, quæ omnia determinare ſolet: a fibrilla tenuiſſima
tractabili incipiam ſenſim ad craſſiores perrecturus; ſubtiliores non
novi tractabiles, quam quas Bombyx ſuppeditat.

456. EXPERIMENTUM XCIII.

Sumtum fuit filum unum ſerici, modo ante evolutum ex glome-
re, in quo Chryſalis latebat, hujus ſuperius extremum aliquoties
circumvolvi circa politum ſtylum cupreum, quemadmodum circa
alium ſtylum inferiorem extremitatem, huic ſtylo ſenſim appenſa
fuerunt grana Medica, donec filum rumpebatur: varia inſtituta ſunt
tentamina, ut eo certius verum pondus cognoſceretur, aliquando
autem filo appendi potuerunt 80, aliquando 85, etiam 90 grana,

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer