Full text: Musschenbroek, Petrus: Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes

DE MAGNETE. Verſorii polum; id tamen ſi deprehenderetur in uno Ferro, non in
duobus aliis quoque obtineret, fatemur enim aliquando, raro ta-
men, fila dari, quorum ambo extrema eundem polum attrahunt
Verſorii, id vero nobis in tribus diverſis occaſionibus obſervari con-
tigit cum calido Ferro, nunquam contrarium: adeoque vel non
datur vis directrix in calente Ferro, aut erit infinite parva:

159. EXPERIMENTUM CXXXII.

Si virgæ ferreæ tenuiſſimæ, Experimenti CXXXI, in Igne can-
defactæ, prudenter abſque ullâ concuſſione ex eo ſublatæ forcipe æ-
neo, ita ut horæ ſpatio jaceat in Meridiano terreſtri vel Magne-
tico ſuper lapideo ſolo, cuſpis Borea apponatur Verſorii polo Au-
ftrali, eum attrahet, ſed polum Boreum fugabit: cuſpis autem Au-
ftralis virgæ attrahet Verſorii polum Boreum, fugabit Auſtralem.

Virgæ cylindricæ longæ & tenues quæcunque, ſupra quas cor-
tinæ feneſtrarum aut cubilium vulgo protrahuntur, jacentes ali-
quamdiu horizonti parallelæ, & in Meridiano terreſtri vel Magne-
tico, ſive ſolo impoſitæ, ſive altiores & in aëre ſuſpenſæ, eadem
vi Magnetica directrice imbuuntur, atque cuſpidibus ſuis, quibus
Boream ſpectarunt, attrahunt Acûs Magneticæ polum Auſtralem,
repellunt Boreum.

Obſervationem addam, ex quâ conſtabit Philoſophos plerumque
univerſalius proprietates Magnetis determinaſſe, neque fideliter
omnia, quæ in inſtituendo Experimento adhibuerint, accurate anno-
taſſe, quemadmodum tamen deſideratur, unde multiplici edoctus
experientiâ, cuncta, ne minimis circumſtantiis exceptis, addidi,
quibus prolixior quidem nonnullis videri poſſem, ſed niſi omnia
ſimul notentur, & inter ſe comparentur, in errores incidimus: Ecquis igitur, primâ fronte memorata hic Experimenta intuitus,
non pronunciaret, Ferrum in Meridiano poſitum vi Magnetica di-
rectrice imprægnari: Sed lente feſtina, nam cum longis, & te-
nuibus virgis capta duntaxat ſunt tentamina, an quidem eadem ob-
tinctbunt phænomena in craſſis? Videamus & hæc exploremus, ne-
que laboris pœnitebit: Nam in ferramentis diametri unius pollicis,
aut craſſioribus, verum brevioribus quam 8 vel 10 poll. nunquam

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer