Full text: Musschenbroek, Petrus: Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes

PRÆFATIO. ximas diffunditur diſtantias, qua Ferrum aliusve Magnes attrahitur
ab alio, viſa mihi fuit omnino diſtinguenda a priori Attractione, hæc
enim mutabilis eſt, & fere penitus ex Magnete profligari poteſt, aut
ad ſilentium deduci; uti ex Experimentis inferius commemorandis
conſtabit: nemo autem facile dixerit Legem Naturæ mutabilem eſſe
in corporibus. Quamobrem duplicis generis obtinebit in Magneti-
bus Attractio, quarum una a Lege Naturæ pendebit univerſali, unde
autem altera pendeat, ignoro huc usque: Natura in hoc corpore in-
numera videtur abſcondidiſſe Myſteria, quorum quo plura revela-
mus, eo magis a divinanda cauſa removemur, & in majorem illapſi
hæſitationem quam ante, eo plura ignorari, quo plura ſcimus,
quo ea attentiori animo revolvimus, fateri continuo cogimur: Ali-
quando diu meditatus de nonnullis Experimentis, a pororum tum
Magnetis, tum Ferri figura, vim pendere doceri videbar, ſed illico
alia prodibant phænomena, quæ hujus opinionis imbecillitatem de-
monſtrabant: modo a parva quantitate corporea, quæ in ferro & in
Magnete hæret, vim deducendam credidiſſem, hoc quaſi probante
Analyſi Chemica utriusque corporis; ſed mox plurima ſurgebant ad-
verſus hanc ſententiam argumenta, cum ſimplex mallei percuſſio vim
ex ferro magneticam profligabat, non amiſſa ulla ſubſtantia. Similes
ſuſpiciones diverſiſſimæ ex inter ſe comparatis oboriebantur Experi-
mentis, ſed quarum infirmitas ex collatis aliis cum his iterum elu-
ceſcebat: unde ſemper, quo plura mecum verſabam, & inter ſe com-
parabam, eo incertior evaſi: Forſitan illa ſecundi generis Attractio,
qua Magnes ad longam operatur diſtantiam, non videbitur multis eſ-
ſe tam abſtruſa, ſed eam conſiſtere in Fluido aliquo, extrinſecus ambien-
te Magnetem, eumque premente verſus alium, aut verſus Ferrum; pace autem horum Doctiſſimorum Virorum dixerim, me nullam ob-
ſervaſſe Hypotheſin magis oppoſitam Experimentis & veritati, quam
hanc; argumenta, quæ eum in finem infra attuli, examinanda ſunt,
ex quibus liquebit, an feſtinanti conſilio hanc concluſionem forma-
verim: præterea obteſtor Philoſophorum, qui cuncta phænomena
Magnetica norunt, conſcientiam, an præjudicio omni exuto, convicti
penitus ſint ex obſervationibus aut Experimentis, Fluidum aliquod Ma-
gneticum, vel Effluvia quædam, (quocunque nomine vocentur perin-
de mihi erit) dari, atque ex iis poſſe omnia Mechanice explica-

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer