668. CAPUT X.
De Stellis fixis.

STellas fixas diximus eſſe corpora lucida, ita remota, ut
horum diſtantiæ cum diſtantiis ullis, in Syſtemate Plane-
tario, non conferri poſſint. Non enim ſubtiliſſimis obſerva-
tionibus Aſtronomi potuêre Polos Mundi tranſlatos obſervare
in motu Telluris annuo, licèt circulos orbitæ Telluris æqua-
les in cœlis deſcribant .

669. Definitio I.

Tranſlatio hæc Poli vocatur Paralaxis annua.

Diſtantiam ſtellarum immenſam eſſe, etiam ex obſervatio-
nibus ope teleſcopiorum deducitur. Si Stella fixa quæcun-
que, ex maximê lucidis & conſpicuis, conſpiciatur adhibito
Teleſcopio, per quod diameter Solis diametro orbitæ annuæ
æqualis apparêret, quaſi punctum lucidum, ſine ſenſibili ma-
gnitudine, apparebit; minores enim omnes Stellæ per Te-
leſcopia, quàm nudis oculis, apparent, nam ex ſola ſcintilla-
tione magnitudinem ſenſibilem habere videntur.

Vt Stellæ diſtinguantur, referuntur ad varias figuras, quæ
in cælis imaginantur, & Aſteriſmi vocantur.

In Zodiaco duodecim Aſteriſmi concipiuntur, Zodiaci Signa
dicti, nominantur ut animalia, aut res quas repræſentant: Ariës, Taurus, Gemini, Cancer, Leo, Virgo, Libra,
Scorpius, Sagittarius, Capricornus, Aquarius, Piſces. Si-
gna hæc nomina ſua dedêre, duodecim partibus Eclipticæ de
quibus antea .

Tempore Hiparchi, ſectiones Eclipticæ & Æquatoris ſitæ
erant inter Aſteriſmos Piſcis & Ariëtis, & Virginis & Li-
bræ, & Aſteriſmi nomina dedêre illis Eclipticæ partibus, quæ
per ſingulos Aſteriſmos tranſibant: & partes Eclipticæ, po-
nendo initium Ariëtis, & Libræ in interſectionibus Æqua-
toris & Eclipticæ, uti in illo tempore, nomina ſervarunt,
licet hæ interſectiones tranſlatæ ſint , unde Sol in Tauro dicitur, quando inter Stellas Aſteriſmi Ariëtis movetur.

Zodiacus partem Cœli Septentrionalem à Meridionali ſe-
parat.