PHYSICES ELEMENTA apertâ januâ, quæ ad illam partem datur, videtur in fig. 2. Tab. 43. Antliæ hujus deſcriptionem non dabo, ge-
neralia tantum quædam notabo, peculiarem omnium par-
tium explicationem alia occaſione daturus.

381. Machina Pneumatica .

In fig. 1. Tab. 39. antlia repræſentatur a parte antica,
ſublatis nempe thecæ, cui includitur, januis.

Antlia eadem, ex theca extracta, a parte poſtica, deli-
neatur in fig. 1. Tab. 40. liſdem litteris eædem partes in
utraque figura notantur.

Conſtat antlia duobus cylindris, A, B; in utroque mo-
vetur embolus, cujus partes ſeparatæ exhibentur in C, D, E, F,
(fig. 2. Tab. 40.) .

Partes E, F, cochleâ junguntur, & inter ipſas firmatur
annulus coriaceus, qui ab omni parte prominet, & qui,
dum embolus cylindro intruditur, ſeſe ſuperficiei e e ap-
plicat. Methodus hæc in Anglia in uſu eſt. Corium hoc-
ce in oleo & aqua macerari debet, ut monuimus in n. 722.

Embolis, quando antliis intruduntur, aqua ſuperinfunditur,
cujus aliquando, exſiccatis paululum coriis, pars quædam in
antlias deſcendit, quod tamen experimenta turbare non po-
teſt; in quo caſu emboli extrahendi ſunt & per aliquotho-
ras in aqua relinquendi, oleoque probe eliniri debent.

Cauda C emboli, ut fere in omnibus antliis, dentata eſt; hujus extremitas inferior cc cylindrica eſt, & cochleâ ter-
minatur. Transmittitur cylindrica pars hæc per cavitatem
cylindricam in prominentia f emboli; cujus cavitatis dia-
meter parum tantum ſuperat cylindri c c diametrum. Cum
hoc conjungitur nunc conus truncatus D, qui cochleam
fæminam continet, & firmatur hic transverſâ cochleâ g: poteſtque cauda C elevari & deprimi per ſpatium trium
partium quartarum pollicis, ipſo embolo immoto manente.

Emboli ambo moventur agitatione rotæ R, cujus motus,
dum it & redit, parum deficit à tertiâ circuli parte.

Vaſa exhaurienda laminæ L L imponuntur, & hæc per