Full text: Gravesande, Willem Jacob: Physices elementa mathematica, experimentis confirmata, sive introductio ad philosophiam Newtonianam

PHYSICES ELEMENTA majore aut minore Atmoſphæræ pondere; ex qua etiam
ratione in apice montis minus denſus eſt aer quàm in valle; minori enim pondere comprimitur.

Vis, qua particulæ aëreæ ſeſe mutuo repellunt, creſcit
in ratione in qua diſtantia inter centra particularum mi-
nuitur, id eſt, vis illa eſt inverſè ut hæc diſtantia. Quod
ut demonſtretur, conſiderentur duo cubi æquales A & B,
inæquales aëris quantitates continentes; ſint diſtantiæ inter
centra particularum ut duo ad unum; in eadem ratione, ſed
inverſa, erunt numeri particularum in lineis de & hi: nu-
meri particularum agentium in ſuperſicies dg & hm ſunt
ut unum ad quatuor, nempe ut quadrata numerorum parti-
cularum in lineis æqualibus; & ut horum numerorum cubi,
ſcilicet ut unum ad octo, ſunt aëris quantitates in cubis
contentæ; in qua etiam ratione ſunt vires comprimentes
aërem in cubis . Vires agentes in ſuperficies æquales dg & bm ſunt ut vires, quibus aër comprimitur , ſunt etiam in ratione compoſita numerorum particularum agentium, & actionum ſingularum particularum; hæc ergo ratio compo-
ſita eſt ratio unius ad octo: rationum componentium prima,
ut dictum, eſt unius ad quatuor, quare neceſſario ſecunda
eſt unius ad duo, quæ eſt ratio inverſa diſtantiæ inter par-
ticulas. Hæcque demonſtratio generalis eſt, nam unum & octo cubos quo@cunque, unum & quatuor quadrata radicum
cuborum, & tandem unum & duo ipſas radices, in genere
deſignare poſſunt.

375.1.

1072.
TAB. XXXVIII.
fig. 7.
1071. 247.
247.

Hæc demonſtratio probat actionem, quam particulæ con-
tinuò ab omni parte patiuntur, augeri in ratione in qua
diſtantia inter centra particularum minuitur, ſive hæc actio ad
particulas tantum vicinas, ſive etiam ad magis diſtantes,
referri debeat: videbimus enim in capite ſequenti particulas
aëreas ſeſe mutuo repellere, quamvis ſeſe invicem non im-
mediate tangant. In primo caſu vis ipſa repellens, qua ſingu-
læ particulæ gaudent, eſt ut actio memorata, id eſt, in-
verſè ut diſtantia inter particularum centra.

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer