254. Machina
Qua Experimenta de Elaſticitate inſtituuntur.

Machinæ hujus pars præcipua eſt tabula lignea verti-
calis, longitudinis circiter trium pedum, altitudinis unius
pedis.

Regulæ ligneæ mn, mn, tabulæ cohærent, & iis ſuſti-
nentur duo Priſmata H, H, ad formam cunei, quæ juxta illas
regulas moventur, & ubique ope cochlearum tranſeuntium
per ſcisſuras in tabula firmantur.

Dantur inter A & B diviſiones æquales, a medio tabulæ
partem utramque verſus, ad ſitum Priſmatum determinan-
dum.

In O datur ſulcus, quo Machinæ a latere connectitur tro-
chlea T, cujus figura datur in F, fig. 2. Tab. X.

Chorda, cum qua Experimenta fiunt, ab una parte an-
nectitur extremitati regulæ m n, & ad aliam partem circumit
trochleam T, pondere P illam tendente, & Priſmatibus H. H, in punctis, quæ a medio Machinæ æque diſtant, illam
ſuſtinentibus.

Medio Tabulæ inſeritur lamina ænea d e, in partes mini-
mas diviſa, juxta quas diviſiones movetur lamina ænea fg,
quæ chordæ appenditur, & in qua foramen datur per quod
hæc immittitur; huic laminæ conjuncta eſt lanx L, quæ unâ
cum lamina f g exacte eſt ponderis unius unciæ.

Longitudo chordæ in Experimentis æqualis eſt di-
ſtantiæ inter apices Priſmatum H, H; nam in inflexionibus
minimis, circa quas ſolas Experimenta fiunt; ponderibus in
C appenſis, chorda ſuper Priſmatibus non movetur, pondus
P non elevatur, & pars, ut AB, ſola inflexionibus iſtis
producitur.

In chordæ inflexionibus ſagittæ menſurantur diviſioni-
bus laminæ e d, nam extremitas g laminæ g c æqualiter ſemper
cum puncto C, in chordæ inflexione, deſcendit.

255. Experimentum. i.

Sit pondus P duarum librarum, & inflectatur chorda in
C pondere unius unciæ, id eſt, pondere lancis & laminæ