Nulla in corporum colliſione vis deſtruitur, niſi quæ ad
partes intro premendas requiritur. Ponamus primo cor-
pora ad eandem partem tendere, antecedens neceſſario tar-
dius alio movetur, & ictu acceleratur, conſequens ve-
ro quia in aliud agit ex vi ſua amittit. Effectus vis a-
miſſæ eſt augmentum vis in antecedente, & introceſſio
partium, & effectus hic valet vim amiſſam à con-
ſequente . Sed illa, quam acquiſivit antecedens, non eſt vis deſtructa, ergo ſola hæc deſtruitur, qua partes in-
trocedunt. Secundo, tendant corpora in partes contrari-
as, in hoc caſu corpora ambo ſibi mutuo reſiſtunt, non mo-
do inertiâ, ſed etiam viribus inſitis, quo vero major eſt re-
ſiſtentia, eo magis partes comprimuntur, eoque major par-
tium introceſſio, ita ut vires impropriè dicantur ſeſe mu-
tuo deſtruere, vi ſua corpus corpori reſiſtit, quâ natâ reſi-
ſtentiâ vis corporis alîus deſtruitur, ſuperando preſſionem
qua partes cohærent. Paradoxa hæc propoſitio, vim nun-
quam immediate vim deſtruere, experimentis extra dubium
eſt, quibus conſtat introceſſiones in corporibus ejuſdem ge-
neris, (nempe quorum partes æqualiter cohærent,) eſſe æ-
quales, ſi vires æquales ictibus deſtruantur, ſive corpora
tendant ad eandem partem; ſive directionibus contrariis
ferantur, viribus æqualibus, aut utcumque inæqualibus; ſive
in obicem firmum impingat corpus; ut, præmifsâ machinarum
deſcriptione, exponam.

195. Machina
Qua experimenta circa colliſiones corporum
inſtituuntur.

Tabula lignea ABC, fere triangularis, & verticalis,
altitudinis circiter quatuor pedum cum ſemiſſe, & latitudi-
nis, circa baſin trianguli, trium pedum, verticaliter diſponitur.

In ſuperiori parte datur ad horizontem parallela ſciſſura st,
in qua duo clavi quadrati, aliquando plures, moventur; qui
ubique cochleis, ad poſteriorem tabulæ partem applicantis
firmantur; ut ex figura clavorum in V patet.

Super unoquoque clavo movetur tubulus quadratus X,