529. Porro ex his, qui cogitationem, & voluntatem bru-
tis attribuunt, alii utrique generi applicant nomen ſpiritus, ſed
diſtinguunt diverſa ſpirituum genera, alii vocem ſpiritualis
ſubſtantiæ tribuunt illis ſolis, quæ cogitare, & velle poſſint
etiam ſine ullo nexu cum corpore, & ſine ulla materiæ orga-
nica diſpoſitione, & motu, qui neceſſarius eſt brutis, ut vi-
vant. A tque id quidem admodum facile revocari poteſt ad
litem de nomine, & ad ideam, quæ affigatur huic voci ſpiri-
tus, vel ſpiritualis, cujus vocis latina vis originaria non niſi
tenuem flatum ſignificat: nec magna erit in vocum uſurpatio-
ne difficultas; dummodo bene diſtinguantur a ſe invicem ma-
teria expers omni & ſentiendi, & cogitandi, ac volendi vi, a
viventibus ſenſu præditis; & in viventibus ipſis anima immor-
talis, ac per ſe ipſam etiam extra omne organicum corpus ca-
pax cogitationis, & voluntatis, a brutis longe imperfectiori-
bus, vel quia ſolum ſentiendi vim habeant omnis cogitationis,
& voluntatis expertia, vel quia, ſi cogitent, & velint, longe
imperfectiores habeant ejuſmodi operationes, ac diſſoluto per
organici corporis corruptionem nexu cum ipſo corpore, pror-
ſus diſpereant.

530. Ceterum longe aliud proſecto eſt & tenuitas lamellæ,
quæ determinat hunc potius, quam illum coloratum radium
ad reflexionem, ut ad oculos noſtros deveniat, in quo ſenſu
adhibet coloris nomen vulgus, & opifices; & diſpoſitio pun-
ctorum componentium particulam luminis, quæ certum ipſi
conciliat refrangibilitatis gradum, certum in certis circumſtan-
tiis intervallum vicium facilioris reflexionis, & facilioris tranſ-
miſſus, unde fit, ut certam in oculi fibris impreſſionem fa-
ciat, in quo ſenſu nomen coloris adhibent Optici; & impreſſio
ipſa facta in oculo, & propagata ad cerebrum, in quo ſenſu
coloris nomen Anatomici uſurpare poſſunt; & longe aliud
quid, & diverſum ab iis omnibus, ac ne analogum quidem
illis, ſaltem ſatis arcto analogiæ, & omnimodæ ſimilitudinis
genere, eſt idea illa, quæ nobis excitatur in animo, & quam
demum a prioribus illis localibus motibus determinatam intue-
mur in nobis ipſis, ac intima noſtra conſcientia, & animi
vis, de cujus vera in nobis ipſis exiſtentia dubitare omnino
non poſſumus, evidentiſſima voce admonent ea de re, & cer-
tos nos reddunt.

531. Porro commercium illud inter animam, & corpus, quod
unionem appellamus, tria habet inter ſe diverſa legum genera,
quarum bina ſunt prorſus diverſa ab ea etiam, quæ habetur
inter materiæ puncta, tertium in aliquo genere convenit cum
ipſa, ſed ita longe in aliis plurimis ab ea diſtat, ut a mate-
riali mechaniſmo penitus remotum ſit. Priores ſunt in ordi-
ne ad motus locales organici noſtri corporis, vel potius ejus
partis, ſive ea ſit fluidum quoddam tenuiſſimum, ſive ſint ſo-
lidæ fibræ & ad motus non locales, ſed animaſticos noſtri a-