504. Sonus geometricas determinationes admittit plures, & quod pertinet ad vibrationes chordæ elaſticæ vel campani æ-
ris, vel motum impreſſum aeri per tibias, & tubas, id quidem
in Mechanica locum habet, & mihi commune eſt cum com-
munibus theoriis. Quod autem pertinet ad progreſſum ſoni
per aerem uſque ad aures, ubi delatus ad tympanum excitat
eum motum, a quo ad cerebrum propagato idea ſoni excita-
tur, res eſt multo operoſior, & pendet plurimum ab ipſa me-
dii conſtitutione: ac ſi accurate ſolvi debeat problema, quo
quæratur ex data medii fluidi elaſticitate propagatio undarum,
& ratio inter oſcillationum celeritates, a qua multipliciter va-
riata pendent omnes toni, & conſonantiæ ac diſſonantiæ, & o-
mnis ars muſica, ac tempus, quo unda ex dato loco ad da-
tam diſtantiam propagatur; res eſt admodum ardua; ſi ſine ſub-
ſidiariis principiis, & gratuitis hypotheſibus tractari debeat,
& determinationi reſiſtentiæ fluidorum eſt admodum affinis,
cum qua motum in fluido propagatum communem habet. Ex-
hibebo hic tantummodo ſimpliciſſimi caſus undas, ut appareat,
qua via ineundam cenſeam in mea Theoria ejuſmodi inveſti-
gationem.

505. Sit in recta linea diſpoſita ſeries punctorum ad data
intervalla æqualia a ſe invicem diſtantium, quorum bina quæ-
que ſibi proxima ſe repellant viribus, quæ creſcant imminutis
diſtantiis, & dentur ipſæ. Concipiatur autem ea ſeries ex utra-
que parte in infinitum producta, & uni ex ejus punctis con-
cipiatur externa vi celerrime agente in ipſum multo magis,
quam agant puncta in ſe invicem, breviſſimo tempuſculo im-
preſſa velocitas quædam finita in ejuſdem rectæ directione ver-
ſus alteram plagam, ut dexteram, ac reliquorum punctorum
motus conſideretur. Utcunque exiguum accipiatur tempuſcu-
lum poſt primam ſyſtematis perturbationem, debent illo tem-
puſculo habuiſſe motum omnia puncta. Nam in momento
quovis ejus tempuſculi punctum illud debet acceſſiſſe ad pun-
ctum ſecundum poſt ſe dexterum, & receſſiſſe a ſiniſtro, velo-
citate nimirum in eo genita majore, quam generent vires mu-
tuæ, quæ ſtatim agent in utrumque proximum punctum, au-
cta diſtantia a ſiniſtro, & imminuta a dextero, qua fiet, ut
ſiniſtrum urgeatur minus ab ipſo, quam a ſibi proximo ſecun-
do ex illa parte, & dexterum ab ipſo magis, quam a poſterio-
re ipſi proximo, & differentia virium producet illico motum
aliquem, qui quidem initio, ob differentiam virium tempuſcu-
lo infiniteſimo infiniteſimam, erit infinities minor motu pun-
cti impulſi, ſed erit aliquis: eodem pacto tertium punctum
utraque ex parte debet illo tempuſculo infiniteſimo habere mo-
tum aliquem, qui erit infiniteſimus reſpectu ſecundi, & ita por-
ro. Poſt tempuſculum utcunque exiguum omnia puncta æqui-
librium amittent, & motum habebunt aliquem. Interea ceſſan-
te actione vis impellentis punctum primum incipiet ipſum retar-