PARS TERTIA. nullam inde læſionem accipiant, ſed pacatiſſime quieſcant, & vegetent, ac vivant.

471. Hæc quidem de igne; jam aliquid de luce, quam i-
gnis emittit, & quæ ſatis collecta ipſum excitat. Ipſa lux pot-
eſt eſſe effluvium quoddam tenuiſſimum, & quaſi vapor fer-
mentatione ignea vehementi excuſſus. Et ſane validiſſima,
meo quidem judicio, argumenta ſunt, contra omnes alias hy-
potheſes, ut contra undas, per quas olim phænomena lucis
explicare conatus eſt Hugenius, quam ſententiam diu conſe-
pultam iterum excitare conati ſunt nuper ſummi noſtri ævi
Geometræ, ſed meo quidem judicio ſine ſucceſſu : nam explicarunt illi quidem, & ſatis ægre, paucas admodum lumi-
nis proprietates, aliis intactis prorſus, quas ſane per eam hy-
potheſim nullo pacto explicari poſſe cenſeo, & quarum aliquas
ipſi arbitror omnino opponi: ſed eam ſententiam impugnare
non eſt hujus loci, quod quidem alibi jam præſtiti non ſemel. Mirum ſane, quam egregie in effluviorum emanantium ſen-
tentia ex mea Theoria profluant omnes tam variæ lucis pro-
prietates, quam explicationem fuſe perſecutus ſum in ſecunda
parte diſſertationis De Lumine: præcipua capita hic attingam; interea illud innuam, videri admodum rationi conſentaneam e-
juſmodi ſententiam materiæ effluentis, vel ex eo, quod in in-
genti agitatione, quam habet ignis, debet utique juxta id,
quod vidimus num. 195, evolare copia quædam particularum,
ut in ebullitionibus, efferveſcentiis, fermentationibus paſſim e-
vaporationes habentur.

472. Præcipuæ proprietates luminis ſunt ejus c [?] miſſio con-
ſtans, & ab æquali maſſa, ut ab eodem Sole, ab ejuſdem can-
delæ flamma, ad ſenſum eadem intenſitate: immanis veloci-
tas, nam ſemidiametrorum terreſtrium 20 millia, quanta eſt
circiter Solis a Terra diſtantia, percurrit ſemiquadrante horæ: velocitatum diſcrimen exiguum in diverſis radiis, nam celeri-
tatis diſcrimen in radiis homogeneis vix ullum eſſe, ſi quod
eſt, colligitur e pluribus indiciis: propagatio rectilinea per
medium diaphanum ejuſdem denſitatis ubique cum impedimen-
to progreſſus per media opaca, ſine ullo impedimento ſenſibili
ex impactu in ſe invicem radiorum tot diverſas directiones ha-
bentium, aut in partes internas diaphanorum corporum utcun-
que denſorum: reflexio partis luminis ad angulos æquales in
mutatione medii, parte, quæ reflectitur, eo majore reſpectu lu-
minis, quo obliquitas incidentiæ eſt major; refractio alterius
partis in eadem mutatione cum lege conſtantis rationis in-
ter ſinum incidentiæ, & ſinum anguli refracti; quæ ratio