356.
CAPVT QVARTVM
DE CIRCVLIS, ETMOTIBVS
Planetarum, & de cauſis eclipſium
Solis, & Lunæ.
NOTANDVM, quod Sol habet unicum cir-
culum, per quem mouetur in ſuperficie lineæ
eclipticæ, & eſt eccentricus. Eccentricus qui-
dem circulus dicitur non omnis circulus, ſed
ſolum talis, qui diuidens terram in duas par-
tes æquales, non habet centrum fuum cum cen-
tro terræ, ſed extra. Punctus autem in eceen-
trico, qui maxime accedit ad firmamentum,
appellatur Aux, quod interpretatur eleuatio. Punctus uero oppoſitus,
qui maximæ remotionis eſt à Firmamento, dicitur oppoſitum Augis. Solis autem ab occidente in orientem duo ſunt motus, quorum unus eſt
@i proprius in circulo ſuo eccentrico, quo mouetur in omni die, ac nocte
60. minutis fere. Alius uero tardior eſt motus ſphæræipſius ſupra po-
los axis circuli ſignorum, & eſt æqualis motui ſphæræ ſtellarum fixarum,
ſcilicet in 100. annis gradu uno. Ex his itaque duobus motibus colligi-
tur curſus eius incirculo ſignorum ab occidente in Orientem, per quam
abſcindit circulum ſignorum in 365. diebus, & quartaunius diei, præter
rem modicam, quę nullius eſt ſenſibilitatis.
357.
COMMENTARIVS.
Argume@-
[?]
tũ 4. cap.
POstqvam
in præcedentibus auctor egit de motu primi mo-
bilis, qui fit ab ortu in occaſum, & de ijs, quæ illum motum
ſequuntur, nempe de ortu, & occaſu ſignorum, de diebus, & noctibus, & c. Difputat nunc in ultimo huius operis capite de
motu aliorum cœlorum, qui fit ab occaſu in ortum: ac præci-
pue de motu Solis ac Lunæ, vt nobis aperiat rationes eclipſium Lunarium,
& Solarium. At quoniam hæc omnia breuiſſime ab auctore perſtringuntur,
propterea & nos breuiſſimi hac in parte erimus, præſertim quia tractatio
hæc, ſi pro dignitate tractari debet, longiorem expoſtulat ſermonem, per-
@inetq́. ad Theoricas planetarum, quas, ſauente Deo, breui in lucem edemus.
