Volltext: Vitruvius: De architectura libri decem ad Caesarem Augustum, omnibus omnium editionibus longè emendatiores, collatis veteribus exemplis

47. De arena, & ei{us} generib{us}. # CAP. # IIII.

IN cæmenticijs autem ſtructuris, primum eſt de arena
quærendum, vt ea ſit idonea ad materiam miſcendam,
neque habeat terram commixtam. Genera autem are-
næ foſsiciæ ſunt hæc, nigra, cana, rubra, carbunculus. Ex
his quæ in manu confricata fecerit ſtridorem, erit opti-
ma: quæ autem terroſa fuerit, & non habebit aſperita-
tem, item ſi in veſtimentum candidum ea coniecta fuerit, poſtea excuſſa
vel icta, id non inquinauerit, neque ibi terra ſubſiderit, erit idonea. Si au-
tem non erunt arenaria, vnde fodiatur, tum de fluminibus aut è glarea
erit excernenda. Non minus etiam de litore marino: ſed ea in ſtructuris
hæc habet vitia, quod difficulter ſicceſcit, neque vbi ſit, onerari ſe conti-
nenter paries patitur, niſi intermiſsionibus requieſcat, neq; concameratio-
nes recipit. Marina autem hoc amplius, quod etiam parietes, cùm in his
tectoria facta fuerint, remittentes ſalſuginem, ea diſſoluunt. Foſsiciæ verò
celeriter in ſtructuris ſicceſcunt, & tectoria permanent, & concameratio-
nes patiuntur: ſed hæ, quæ ſunt de arenarijs recentes. Si enim exemptæ
diutius iaceant, ab Sole & Luna & pruina concoctæ reſoluuntur, & fiunt
terroſæ. Ita cùm in ſtructuram conijciuntur, non poſſunt continere cæ-
menta, ſed ea ruunt & labuntur, oneraq́; parietes non poſſunt ſuſtinere. Recentes autem foſsiciæ cum in ſtructuris tantas habeant virtutes, eæ in
tectorijs ideo non ſunt vtiles, quod pinguitudini eius calx, palea com-
mixta, propter vehementiam non poteſt ſine rimis inareſcere: fluuiatica
verò propter macritatem (vti ſigninum) bacillorum ſubactionibus in te-
ctorio recipit ſoliditatem.

48. IN CAPVT IIII. ANNOTAT.

De arena quærendum. ] Arenæ genera tria ſunt. Foßiciæ quarta pars
calcis addi debet, fluuiatili aut marinæ tertia autore Plinio lib. XXXVI . cap. XXIII . & Vitruuio cap. ſequenti. Sed ſi vti neceſſe ſit maris arena, erit commo-
dum, vt ſcribit Palladi{us} lib. I . cap. X . pri{us} eam lacuna humoris dulcis immer-
gi, vt vitium ſalis, aquis ſuauib{us} lota deponat: vt mirum videri non debeat, quod
vitruui{us} lib. I . cap. II . marinam lotam dixerit.

Genera arenæ foſsiciæ ſunt hæc, nigra, cana, rubra, carbun-
culus. ] Omnium rufa ſiue rubra optima, meriti ſequentis eſt cana, tertium locum
nigra poßidet, vt ſcribit Palladi{us} lib. I . cap. X . Inuenitur & fulua & lutea, & aliorum colorum.

Vti ſigninum. ] Signinum op{us} fit ex testis tuſis addita calcè, testimonio
Plinij lib. XXXV . cap. XII . Aliter etiam fieri ipſe Vitruui{us} docet ad finem lib. VIII . Galli cimentum vocam{us}. Nam cæmentum quid eſſet, ſuprà lib. I . dixim{us}.

Waiting...

Nutzerhinweis

Sehr geehrte Benutzerin, sehr geehrter Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.

powered by Goobi viewer