M. VITRVVII POLL. & eius dimidia, & ſecundum abacum in quatuor partibus volutarum ſe-
cundum extremi abaci quadram lineæ demittendæ, quæ Catheti dicun-
tur. Tunc craſsitudo diuidenda eſt in partes nouem & dimidiam: ex no-
uem partibus & dimidia, vna pars & dimidia abaci craſsitudini relinqua-
tur: & ex reliquis octo volutæ conſtituantur. Tunc ab linea, quæ ſecun-
dum abaci extremam partem demiſſa erit, in interiorem partem alia re-
cedat vnius & dimidiatæ partis latitudine. Deinde eæ lineæ diuidantur
ita, vt quatuor partes & dimidia ſub abaco relinquantur. Tunc in eo lo-
co, qui locus diuidit quatuor & dimidiam, & tres & dimidiam partem,
centrum oculi ſignetur: ducaturq́; ex eo centro rotunda circinatio, tam
magna in diametro, quàm vna pars ex octo partibus eſt: ea erit oculi ma-
gnitudine, & in ea catheto reſpondens diametros agatur. Tunc ab ſum-
mo ſub abaco inceptum in ſingulis tetrantorum actionibus dimidiatum
oculi ſpatium minuatur, donicum in eundem tetrantem, qui eſt ſub aba-
co, veniat. Capituli autem craſsitudo ſic eſt facienda, vt ex nouem parti-
bus & dimidia, tres partes præpendeant infra aſtragalum ſummi ſcapi. Cymatio addito abaco & canali, reliqua ſit pars. Proiectura autem cy-
matij habeat extra abaci quadram oculi magnitudinem. Puluinorum
balthei ab abaco hanc habeant proiecturam, vt circini centrum vnum
cum ſit poſitum in capituli tetrante, & alterum diducatur ad extremum
cymatium, circumactum baltheorum extremas partes tangat. Axes vo-
lutarum ne craſsiores ſint, quàm oculi magnitudo: volutæq́; ipſæ ſic cæ-
dantur, vti altitudines habeant latitudinis ſuæ duodecimam partem. Hæ
erunt ſymmetriæ capitulorum, quæ columnæ futuræ ſunt, ab minimo
ad pedes XV . Quæ ſupra erunt reliqua habebunt ad eundem modum
ſymmetrias. Abacus autem erit longus & latus, quàm craſſa columna eſt
ima, adiecta parte nona: vti quo minus habuerit altior columna contra-
ctum, eò ne minus habeat capitulum ſuæ ſymmetriæ proiecturam, & in
altitudine ratæ partis adiectionem. De volutarum deſcriptionibus vti
ad circinum ſint rectè inuolutæ, quemadmodum deſcribatur, in extremo
libro forma & ratio earum erit ſubſcripta. Capitulis perfectis, deinde
in ſummis columnarum ſcapis, non ad libellam, ſed ad æqualem modu-
lum collocatis, vti quæ adiectio in ſty lobatis facta fuerit, in ſuperioribus
membris reſpondeat ſymmetria epiſtyliorum: Epiſtyliorum ratio ſic eſt
habenda: vt ſi columnæ fuerint à minimo XII . pedum, ad XV . pedes, epi-
ſtylij ſit altitudo dimidia craſsitudinis imæ columnæ. Item ſi à XV . pedi-
bus ad viginti, columnæ altitudo dimetiatur in partes XIII . & vnius
partis altitudo epiſtylij fiat. Item ſi à XX . ad XXV . pedes, diuidatur alti-
tudo in partes duodecim & ſemiſſem, & eius vna pars epiſtylium in alti-
tudine fiat. Item ſi à XXV . pedibus ad XXX . diuidatur in partes duode-
cim, & eius vna pars altitudo fiat. Item ſecundum ratam partem, ad eun-