VTI 
VITA. 
203 
rerum imperio potito, eidem à forore Octauia commendatus fuit, ve¬ 
rùm cum duas eiusdem nominis sorores habuerit Augustus, maiorem 
alteram Anchariae, minoremque alteram Attiae filiam, meritò dubitari 
posset, utra earum commendationis illi beneficium impertiuerit. Ma¬ 
iorem fuisse docet Aeneas Vicus Parmensis in libro Augustarum, ubi 
de ea loquitur, ita scribens: Quinetiam inter Augusti familiares peritis¬ 
simum illum architectum Viiruuium collocauit, qui prius fuerat in castris 
Caesaris, quod ex commendatitiis eius literis effectum est. Haec Aeneas. 
Caeterùm non modò eum Augustus in clientelam suscepit, & amplum 
eidem quoad viuerer stipendium assignauit, sed machinis quoque bel¬ 
licis praefecit, quod & ipse his verbis reliquit attestatum: laque cum M. 
Aurelio & Pub. Minidio, & Cn. Cornelio ad apparationem ballistarum, 
& scorpionum, reliquorumque tormentorum refectionem fui praestò, & cum 
eis commoda accepi, quae cum primò mihi tribuisti, recognitionem per soro¬ 
ris commendationem seruasti &c. Marcum porrò illum Aurelium ni 
coniectura decipimur, M. illius Aurelij Cottæ patrem fuisse, credi- 
mus, qui sub Tiberio unà cum M. Valerio Messalla consulatum gessit. 
In fastis siquidem consularibus M. fil. dicitur, & M. nepos. Cneum ve¬ 
rò Cornelium eum esse, qui Augusto imperante, fuit Augur vel Cor¬ 
nelium illum Cinnam, qui sub eodem Imp. Consul fuit cum Valerio 
Messalla Voluso. Quicquid autem sit de istis, illud exploratissimum est, 
machinarum bellicatum praefectos eo saeculo, uti etiam nostro, ma¬ 
gnaessemper, sed in castris praecipuè, existimationis fuisse. Porrò eiusce¬ 
modi machinarum in bello curam gessisse, videtur non obscurè de¬ 
cerpi ex ijs quae refertl. 10. c. 16. ubi de ballistarum rationibus ita scri¬ 
bit: Itaque, ut etiam qui Geometria, Arithmeticaque rationes non nouerint, 
habeant expeditum, ne in periculo bellico cegitationibus detineantur, qua 
ipse faciendo certa cognoni, quaeque in parte accepi à praceptoribus, finita 
exponam. Verùm ut in bello machinis, ita pacis tempore publicis aedi¬ 
ficiis construendis praepositus fuit, inter quae nobilis illa adnumeratur 
Basilica, quam in Col. Iulia Fanestri, ut ipse refert l. 5. c. 1. collocauit, 
curauitque faciendam. Quos praeceptores habuerit, nec ipse docet, 
nec ab aliis accepimus; illud certum est, illum non ab Latinis modò, 
sed ab eximiis totius Graeciae auctoribus, eorum quae ad architecturam 
pertinent, confertissimum sibi & copiosissimum penu comparasse. 
Habemus enim ipsum, non solùm Archimedis, Archytae, & Aristoxeni 
scripta legisse, sed Aristarchi, Eratosthenis, Berosi, Ctesibii, Athenaei, 
Diadis, Eudoxi, Apollonii, & aliorum mechanicorum Geòmetratumque 
com¬