186.
CHRISTIANI HUGENII
NOVUS CYCLUS
HARMONICUS.
Litteræ D. Hugenii de Cyclo Harmonico.
NOvam tibi mitto de Muſica obſervationem. Spectat hæc prima Scientiæ illius fundamen-
ta, id eſt, tonorum, qui in cantu & Inſtru-
mentorum fabrica obſervantur, determina-
tionem. Quicunque licet parum verſati ſint
in parte illa Theoriæ, norunt, quid ſit, quod
vocatur Temperamentum, quod tonos illos
moderatur & quam neceſſarium illud ſit in harmonia tubo-
rum Organi vel chordarum Clavecymbali.
Celebriores auctores, uti Zarlinus & Salinas, illud re-
ferunt inter inventa pulcherrima & utiliſſima, quæ in muſi-
cis detegi poſſunt; & uterque contendit ſe primum Tempera-
mentum hoc ad examen revocaſſe, & demonſtrationibus Ma-
thematicis conſtituiſſe. Ante illos experientia & neceſſitas il-
lud quidem aliquo modo jam introduxerant, licet vera men-
ſura & methodus nondum eſſet cognitæ. Inventio hujus Tem-
peramenti in cauſa fuit, ut merito negligerentur omnes ve-
terum Tetrachordarum & Diapaſonorum diviſiones quarum
pleræquæ abſurdæ & uſus nullius erant in compoſitione pluri-
marum partium: hac etiam inventione noſtrum ſyſtema to-
norum magis abundat conſonantiis, magiſque eſt juxta na-
turam cantus, quam illorum erat.
