CRISTIANI HUGENII ſint, tactu perciperentur. Ita omnibus modis ſaluti conſer-
vationique animalium conſuluit, nec quidquam amplius addi
aut deſiderari poſſe videtur; ut proinde planetarum incolis
vix aliud niſi ſuperfluum largitura fuerit.

Cum autem ex ſingulis ſenſibus, præter utilitatem, volu-
ptas aliqua ad homines perveniat; velut ex guſtatu in cibis; ex odoratu in floribus & aromatis; ex viſu in contemplanda
pulchritudine formarum, & colorum; ex auditu harmonico-
rum ſonorum; ex tactu in rebus venereis, (niſi peculiaris
quidam ſenſus hic dicendus eſt) animalibus verò cæteris ex
quibuſdam horum; nonne dicemus hæc naturæ munera fere
eodem modo reliquorum Planetarum incolis diſtributa eſſe. Certe id quidem ratio poſtulare videtur. Sive enim cogite-
mus, quanto in univerſum, propter hæc, jucundior feli-
ciorque vita reddatur, non debemus maximum ejus bonum
noſtræ Telluris habitatoribus aſcribere, cæteras tenentibus
denegare, quaſi res noſtræ rebus illorum multò præferendæ
ſint. Sive ad voluptates, quæ in cibis capiendis, & in con-
junctione utriuſque ſexus contingunt, attendamus; intellige-
mus hæc eſſe neceſſaria quædam veluti providæ naturæ juſſa,
tacitè cogentis ad conſervandum, propagandumque animan-
tium genus: vel etiam, in beſtiis quidem, fortaſſe genus
ipſum propagari, ut utraque illa jucunditate fruatur, ut
proinde, utroque nomine, in cæteris Planetis eadem repe-
riri conſentaneum ſit. Equidem cum hæc omnia quanti ſint,
quantamque utilitatem habeant, conſidero; quamque admi-
rabile ſit, tale quid, quale eſt voluptas, in rerum natura
exiſtere; omnino adducor ut credam, non ſoli Telluri no-
ſtræ, quæ de minoribus planetis unus eſt, rem tantam ob-
tigiſſe. Et hæc quidem de voluptatibus iis quæ ſenſus cor-
poreos afficiunt, rationis facultatem aut nihil, aut leviter
tantùm. Sunt autem homini, præter iſtas, aliæ quoque; quæ mente tantum, & rationis ſenſu percipiuntur; aliæ cum
lætitia conjunctæ; aliæ ſeriæ, neque ideo minoris faciendæ; velut quæ ex oblectatione ſcientiarum, inventorum, veri-
que cognitione oriuntur; de quibus omnibus, an ad alio-