0385-01

156. CHRISTIANI HUGENII
COSMOTHEOROS,
SIVE
De Terris Cœleſtibus, earumque ornatu,
Conjecturæ.
AD
CONSTANTINUM HUGENIUM,
Fratrem.
LIBER I.

FIeri vix poteſt, Frater optime, ſi quis cum
Copernico ſentiat, Terramque, quam inco-
limus, è Planetarum numero unum eſſe exi-
ſtimet, qui circa Solem circumferantur, ab
eoque lucem omnem accipiant; quin inter-
dum cogitet haud a ratione alienum eſſe ut,
quemadmodum noſter hic Globus, ita cæteri quoque iſti,
cultu ornatuque, ac fortaſſe habitatoribus non vacent. Præ-
ſertim ſi ad ea quoque reſpiciat quæ poſt Copernici tempo-
ra in cœlo deprehenſa ſunt; Comites nempe ſtellarum Jovis
& Saturni, Lunæ montes campoſque, & alia multa; quibus
non ſolum veritas inventi ab illo ſyſtematis, ſed & ſimilitu-
do ac cognatio, Terram inter & Planetarum corpora, ma-
gnopere confirmatur. Itaque & nobis, cum prælongis Te-
leſcopiis ſidera unà ſpecularemur; quod jam per multos an-
nos, propter occupationes tuas & continuam fere abſen-