EUSTACHIUS DE DIVINIS
verò 16. palmorum conjunctos videri, nempe, ut dixi, po-
tiore jure, ſejuncti, majore teleſcopio, conjuncti verò, mi-
nore viderentur; cùm verò ſuo minore ſejunctos viderit,
majore verò ad inſtar brachiorum, hinc inde adnatorum ex-
tantes, perſpicuum majoris teleſcopii vitium eſt, cujus ope-
râ radii minùs accuratè projiciuntur, & ut vulgò dicimus,
inepta fit terminatio. Teleſcopium igitur Hugenianum meo
primas deferat, oportet; quo ſcilicet ea diſtinctè vidi, quæ
ille ſuo diſtinctè videre non potuit.
At non me latet cauſa qua fiat, ut Hugenius obſtinatè ne-
get, ſejunctos videri poſſe; commentus eſt ipſe hypotheſim
annuli Saturni globum cingentis, cujus operâ, illas phaſes
explicare conatur, quæ in hoc planeta obſervatæ fuere: ut
autem ſuæ opinioni, vel ſuo commento conſulat, illud pro-
fectò ipſi negandum fuit, quo ſemel admiſſo commentitia il-
la hypotheſis penitùs corruebat; ſi enim annulus Saturnum
ambit, nunquam ſejuncti ſatellites videri queunt: pari modo
fingit, præfatas anſarum vacuitates ejuſdem cum reliquo cæ-
lo coloris eſſe, ut ſuæ hypotheſi conſulat; ſuppoſito enim
illo annulo in iis vacuitatibus, nihil niſi cælum videtur; at
revera, ut jam ſuprà dixi, nigriores illæ apparent, ex quo
Hugeniana hypotheſis corruit. Ut igitur ſuam illam opinio-
nem indemnem ſervaret, ea removenda eſſe putavit, quæ ſi
adeſſent, illius opinionis falſitas manifeſta evaderet: & hæc
ſibi perſuaſit, nobis tamen minimè perſuaſurus, qui rem ſe-
cus eſſe, oculari demonſtratione prorſus evicimus.
Alterum eſt quod Hugenius vel finxit, vel leviter ſibi per-
ſuaſit, quod tamen ejuſdem furfuris eſt; dicit enim, faſciam
quandam nigricantem in Saturni globo videri, quæ quidem
ex æquo medium diſcum ſecat, quando ſolus Saturni globus
ſuo ſatellitio deſtitutus apparet; ubi verò ſatellites adſunt,
modò ſuprà, modò infra brachiorum lineam faſcia videtur; ſed hoc etiam merum figmentum eſt ab auctore excogitatum,
ut annulo ſuo conſuleret; nam cùm ipſi opponeretur, ad-
miſſo ſemel hoc annulo nunquam Saturnum videri poſſe, vel
anſulis, vel brachiis deſtitutum, quod tamen omnibus ob-
