Full text: Volumen primum. Opera mechanica (1)

HOROLOG. OSCILLATOR. quæ ſui evolutione alias curvas generant. Unde comparatio in-
ter ſe longitudinis curvarum cum rectis naſcitur, quam ulterius
etiam quam præſens neceſſitas poſtulabat proſecutus ſum, pro-
pter theoriæ, ut mihi viſum eſt, elegantiam & novitatem.

Cæterùm ad explicandam Penduli Compoſiti naturam,
cujus utilitatem in conſtructione horum automatôn demon-
ſtro, adjungenda fuit Centrorum Oſcillationis contemplatio,
à pluribus quidem, ſed minus feliciter, hactenus tentata; in qua theoremata complura animadverſione, ni fallor, di-
gna reperientur, ad figuras lineares, planas, ſolidasque per-
tinentia. Ante hæc omnia vero præmittitur ipſa horologii
mechanica conſtructio, pendulique applicatio, eâ formâ quæ
ad uſus aſtronomicos aptiſſima reperta eſt, ad cujus inſtar re-
liquæ omnes, mutatis quæ opus eſt, facile ordinari poſ-
ſint.

Quia vero contigit egregio hujus inventi ſucceſſu, quod
fieri plerumque ſolet, quodque futurum prædixeram, ut
plures ſeſe ejus auctores eſſe cuperent, aut ſi non ſibi ipſis,
ſuæ tamen nationis alicui potius quàm nobis eum honorem
tribui vellent, iniquis eorum conatibus tandem aliquando
occurrendum hic arbitror. Nec ſanè aliud fere opponere iis
neceſſe fuerit præterquam id unum, nempe ante annos ſex-
decim, cum nec dicto nec ſcripto cujusquam de horologiis
hujusmodi mentio facta eſſet, aut rumor ullus omnino ferre-
tur (loquor autem de penduli ſimplicis uſu ad horologia
translato, nam de Cycloidis additione nemo credo contro-
verſiam movebit) conſtructionem eorum propria meditatio-
ne me adinveniſſe & perficiendam curaſſe. In ſequenti anno,
qui nempe hujus ſæculi quinquageſimus octavus fuit, deli-

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer