tuliſſent, ſumma veneratione talem, ac tantam bo-
nitatem ſuſceperunt, & Diuinitatis honores eis deſi-
gnarunt, vt Cereri, Baccho, Herculi, Mercurio,
& alijs. Horum autem illi præſtantiora bona attu-
liſſe humano generi cenſendi ſunt, non qui fragi-
lem, & limo affixam noſtram partem, ſed qui ani-
mum Diuinæ auræ participem eruditione, ac ſapi-
entia perfecerunt, & ornarunt. Hìnc artem, & facultatem illam tradentes, qua vaſti maris plani-
tiem intrepidè perambulare non dubitamus coactis
ventis imperata facere, ibidemque verſantes acu
magnetica itinera ad vnguem menſuramus, & terræ
plagas, & cœli, ſtellarumque loca, & ſitus medijs
in tenebris conſtituti clarè conſpicimus. Vel hìnc
qua pondera immenſa puſillis noſtris viribus tanta
facilitate mouemus, vt terram vniuerſam è ſuo loco
transferre ſe poſſe non diffiteretur magnus ille Ar-
chimedes, ſi haberet, vbi pedem extra illam fige-
ret. Aut qua naturæ miracula in elementis, plantis,
animantibus perſcrutamur. Quaue ex fragili vitro lin-
ceos oculos veluti efformantes adeò cœlo proximi
efficimur, vt ferè ſummas mundi partes, & ſtellas
innumeras hactenus inconſpicuas contrectare videa-
mur. Aut eam tandem doctrinam Aſtronomicam,
qua in Cęlum transuolamus, duabus nimirum alis
Geometriæ, & Arithmeticæ, quibus Diuinæ Sa-
pientiæ theſauros contemplando, ſumma dulcedine
in hac mortali vita, gloriæ, felicitatiſque illius ineffa-
bilis participes efficimur.

Sed quia felices admirabilium rerum inuentores
vel fortunæ, vel temporum iniuria plerumque neque-
unt ſua ſtudia, licet illuſtria, & ſalutaria poſteritati