8
cedant, multo iuniores putandae sunt Aegyptiacis, atque tritum est, quam paucae et partim imperfectae ¬
astrorum obseruationes antiquae ad nostram aetatem peruenerint. Recte quidem nobis
obiicitur, astronomiam veterem, quippe multis numeris falsam et vitiosam, nullo pacto cum nostra
comparari posse; sed non agitur hoc loco de falsis Aegyptiorum opinionibus, sed de planetarum
locis recte obseruatis, in quo Aegyptii satis profecerunt. Notum enim est et vulgatum, Aegyptios
stellas omnes etiam minutas accuratissime inter se distinxisse atque Zodiacum praecipue adeo
accurate diuisisse, vt haberent non solum gradus, sed etiam minutas 27). Ex quo etiam colligitur, ¬
eorum horologia et reliqua instrumenta astronomica multo perfectiora fuisse, quam vulgo putatur. ¬
Neque dubium est, quin alia multa de nostra astronomia habuerint cognita, quum totius
antiquitatis oculos in se conuerterint sibique meruerint cognomen hominum sapientissimorum 28)
Praeterea astronomia Aegyptiaca ita comparata est, vt multas alias disciplinas summopere inexspectateque ¬
expedire, emendare, augere debeat. Nihil dicam de eo, quod sexcenta veterum
scriptorum etiam codicis sacri loca non nisi rebus Aegyptiorum astronomicis perspectis recte intelligi ¬
et explicari possunt, atque taceam, quantum haec scientia valeat ad philologiam Aegyptia
cam promouendam. Literatura enim Hieroglyphica arctissime cohaeret cum sacratioribus et obstrusioribus -
philosophiae astronomicae notionibus et placitis. Vnam afferre liceat mythologiam.
Constat, Aegyptiacam, Graecam, Indicam et Persicam et reliquarum nationum mythologias, quum
arctissime inter se connexae sint, tantum abesse, vt perspectae et explanatae dicantur, vt generalem -
illustrationem et ad iusta principia reuocationem adhuc desiderent. Quum enim, omnibus
viis tentatis et fontibus exhaustis, multa in ea disciplina incerta et dubia manserint; desperandum
sane de ea erit, si non noua subsidia adducere et adhibere contigerit. Explanata mythologia
Aegyptiaca, reliquae omnes inde plurimum commodi et claritatis trahent totaque veterum religio
ad iusta principia reuocari poterit.
Quum ergo astronomia Aegyptiaca ea sit, vt et chronologiam et historiam et philologiam et
mythologiam et astronomiam et alias disciplinas summopere promouere et augere posse videatur
sane operae pretium esse putamus, paullo accuratius et diligentius in hoc argumentum inquirere.
§. 3.
De ratione hieroglyphices astronomicae inuenienda.
Ad intelligenda scripta astronomica requiruntur potissimum tria; cognitio signorum, quibus
planetae exprimuntur, cognitio signorum, quibus Zodiaci partes particulaeque indicantur, denique
cognitio legum ac regularum, ad quas loca planetarum zodiacalia planetarumque variae inter se
27) Firmic. Mat. L. 1. p. 18. Secundum Sextum Emp. Lib. V. p. 111. ed. Fabr. Aegyptii partes Zodiaci minores -
non habuerunt, quam minutas.
28) Macrob. Sat. L.II. c. 14.c. Pseudo -Callisthenes Vita Alex. M. in Fabr. Bib. G. V. 14. p. 148. Diodor
Sic. L.I. c. 81.73. Strabo L.I. c.81. 73. L.XVII. p. 1160. 1171. Herod. II. c. 4. 82. Firmic. Mat. L. III. c. 1. p. 47.
Geminus in Petau. Vranol. p. 62. Censorin. de die Nat. c. XIX. Syncell. p. 35. Col. Du Hamel Histor. Acad.
Scient. p. 420. ed. Lips.
