—  365
X.
Verum  principium  hieroglyphices  Aegyptiacae  atque  omnis  literaturae
antiquissimae.
Astronomia  Aegyptiaca,  quemadmodum  ad  Chronologiam,  Historiam,  Mythologiam,  Philologiam, -
  Exegesin  V.  T.,  Cosmologiam,  ita  et  iam  ad  hieroglyphicen  Aegyptiacam  denique  facit  illu
strandam.  Scilicet  systema  Aegyptiorum  graphicum,  quod  vniuerse  dicitur,  tribus  constat:  hieroglyphice, -
  seu  summa  regularum  ad  quas  Aegyptii  scripserint;  vocabulario,  seu  summa  syzygiorum,
notiones,  aut  ideas  exprimentium;  atque  grammatica,  seu  summa  elementorum  ad  notiones  vel
vocabula  exprimenda  pertinentium.  Recentiorum  vero  systemata  hieroglyphica,  quae  vulgo  dicuntur, -
  sunt  summae  legum  hieroglyphices,  vocabulorum  atque  elementorum,  quas  singuli  de  antiquo
Aegyptiorum  systemate  inuenerunt,  aut  inuenisse  putantur.  Nouae  enim  de  antiqua  Aegyptiorum
scriptura  doctrinae  esse  possunt  verae  aut  falsae,  aut  ex  parte  verae  et  falsae.  Ergo  recentiorum
quoque  systemata  tribus  partibus  constant:  hieroglyphice,  vocabulario  atque  grammatica.  Omnis
vero  systematis  hieroglyphici  primaria  et  grauissima  pars  est  hieroglyphice  siue  doctrina  de  legibus ¬
  et  regulis  scripturae  Aegyptiacae,  tum  hieroglyphicae,  tum  hieraticae  et  demoticae.  Ab  ea
enim  reliqua  pendent  magna  ex  parte.  Inter  varias  autem  hieroglyphices  Aegyptiacae  leges  non
nisi  vna  est  generalis  et  summa,  quae  principium  hieroglyphices  dicitur.  Quaeritur  enim,  qua  ex
lege  in  vniuersum  scripta  hieroglyphica  explicanda  sint,  siue  quid  sint  signa  hieroglyphica  in  vniversum. ¬
  Hactenus  analytica  ratione  tractauimus  literas  Aegyptiacas,  ita  vt  nomina,  et  vocabula
cognita  cum  incognitis  compararentur,  atque  inde  nouorum  hieroglyphicorum  valor  erueretur.  At
in  his  certus  est  finis.  Ergo,  quum  vltra  progrediendum  esset,  quaerebatur,  quae  esset  causa,  ob
quam  certum  sonum  certo  signo  expresserint.  Itaque  tria  hieroglyphices  Aegyptiacae  principia
inter  se  diuersa  a  recentioribus  commendata  sunt,  vnum  a  Youngio,  alterum  a  Champollione,
tertium  a  me  ipso.
Beatus  Youngius,  V.  E.,  qui  primus  aliquid  veri  de  scriptura  Aegyptiorum  hieroglyphica,
proprie  sic  dicta,  vidit,  hoc  fere  hieroglyphices  principium  constituit.  Scriptura  hieroglyphica  est
ideographica  ad  instar  Sinensis.  Ex  quo  etiam  fit,  vt  figuris  hieroglyphicis,  licet  ideographicis
syllabae  et  literae  singulae  vocabulorum  nonnullorum,  scilicet  nominum  propriorum,  significentur.
Sinenses  enim  syzygiis  ideographicis  suis  etiam  syllabas  passim  et  literas,  vel  simplices  sonos
nominum  propriorum  exprimunt.  Sic  nomen  Ping-  Vang  exprimitur  quodam  syzygio,  quod  significet -
  vocabulum  litera  P  incipiens  atque  sic  deinceps.  Sic  et  Youngius  docuit,  vasculum  (Tab.
IX.  Lin.  D.  1.)  significare  corbem  (Bip);  in  nomine  Berenices  vero  literam  B.  Item  leonem
sumsit  pro  literis  OLE.  Hac  qualicunque  ratione  Youngius  eo  peruenit,  vt  omnium  primus  nomina ¬
  Ptolemaei,  Cleopatrae,  Berenices  aliaque  nonnulla  hieroglyphice  scripta  explicaret,  quae  syzygia ¬
  hieroglyphica  a  nemine  nunc  non  habentur  pro  Ptolemaei,  Cleopatrae  et  Berenices  nominibus ¬
  atque  in  vocabularium  Aegyptiacum  recepta  sunt.  Itaque  principium  hieroglyphices  a  Youngio
commendatum  hoc  est  potissimum:  figurae  hieroglyphicae  licet  alias  ideographicae  etiam  sonos
valent  eos,  qui  in  vocabulo,  quod  significet  certum  hieroglyphicum,  audiuntur,  nunc  quidem  syllabas, ¬
  nunc  simplices  literas,  siue  vocales,  siue  consonas.