— 351
magis quam Aegyptiaca anthropologicas et physicas notiones assumsit. Quod vero genealogias attinet, ¬
eae cohaerent cum placitis cosmogonicis atque ideo passim indicantur, vt, cum numina certa,
quemadmodum apud Aegyptios, ad varias coeli terraeque vires et facultates pertineant, sciat lector,
quas facultates ac personas diuinas scriptor singulis in locis habuerit in mente. Ergo et Graecae
mythologiae principium fuit astrologicum, siue cosmologicum, vel astronomico - physicum ex legibus ¬
veterum astrologicis.
Hinc idem principium est mythologiae quoque Indicae. Etiam hanc apud nationem reperiuntur -
ordines deorum, vti constat, numinibus tribus, septem, duodecim, viginti octo, triginta
sex constantes, quibus idem significatus, idem fere habitus, eadem insignia adsunt. Sic Trimurtis
illa: Brama, Vischnu, Siva exprimunt cyclum anni vel Zodiacum. Quid? quod Indi ipsi indicarunt,
quo Zodiaci a Signo singula haec numina (O vernus siue progeneratio, aestiuus siue conseruatio,
autumnalis siue contritio) regnare incipiant, quae initia tempestatum conueniunt cum Aegyptiacis.
Itaque Trias Indica nihil commune habet cum Christiana, quod viri mediis in terris Christianis
nati publice contendere non dubitarunt, sed mere est naturalistica, vel astrologica. Zodiacus Indicus ¬
plane conuenit cum Aegyptiaco diuisionibus, praepositis partium, animalibus praepositorum
symbolis (Transact. of the R. As. Soc. Vol. III. P.I. Tab. I.). Milites Indi in exercitu Aegyptiaco,
quum monumenta antiquitatis Aegyptiacae conspexissent cum Deorum Dearumque imaginibus, animalibus, ¬
plantis aliisque rebus sacris, suosque Deos recognouissent, tanto stupore correpti fuerunt,
vt protinus genua flecterent atque preces facerent tamquam suos ad Deos.
Denique sicuti mythologiae Aegyptiacae, Graecae, Indicae principium est astrologicum, ita
et reliquarum omnium nationum religiones ex eodem fonte prodierunt. Negari enim nequit, etiam
apud Phoenices et Carthaginenses, Syros et Assyros, Asianos, Persas, Slauos, Germanos aliosque
populos Europaeos, Arabes antiquos, Babylonienses, Sinenses, Japanenses, Mexicanos, Peruanos,
Insulanos aliosque reperiri eosdem deorum dearumque ordines, eadem ordinum membra, eadem
aut idem significantia numinum nomina et cognomina; eadem simulacra, insignia, attributa, animalia ¬
et vegetabilia sacra ipsorum; easdem numinum virtutes et proprietates coniunctim praedicatas; ¬
eadem festa, eosdem mythos sacros, fabulas, traditiones, cosmogonias eiusque generis alia.
Hic autem placitorum consensus talis ac tantus apud diuersissimas gentes non est fortuitus. Consensus ¬
enim ille cernitur in rebus minutissimis atque ab arbitrio humano pendentibus. Neque hoc
probabile, religionem naturalem, qualem vidimus apud Aegyptios, minutissimis quoque in rebus
perpolitissimam, subinde a certa quadam gente per missionarios ad reliquos populos omnes peruenisse. ¬
Non enim suffecissent ad hoc perficiendum millia annorum. Nullum fuit inter populos
maxime dissitos tale commercium. Quum vero natio nulla sine religione constare possit, nationes
alienigenae certe non recepissent religionem aliunde sibi oblatam, praesertim quum oblata religio
non alia esset, quam ipsis propria, scilicet naturalis. Quas quidem ob causas redeundum est ad
id, de quo dudum constat inter criticos sanos, omnes omnium nationum religiones communi ex
fonte prodiisse, neque vero ex polytheismo et fetischismo, sed ex monotheismo; eo quidem tempore, ¬
quo gens humana, breue post diluuium tempus, adhuc vnita esset, quo, vt vidimus, Zodiacus ¬
noster ortus esset. Omnis vero religionis paganae principium est astrologicum. Haec vero
tam grauia sunt, vt non solum Aegyptiorum, Graecorum Indorumque, sed omnium populorum
