— 341
(8) significant (p. 193.). Hic autem Canobus, nauclerus dictus Menelai, cum eo, Troia expug
nata, venit in Aegyptum; quo facto ei, morsu viperae letali interfecto, non solum templum, quo
diuino honore coleretur, sed et vrbem Canobum exstructam esse, narrant 4). Quum Aegyptii pere
grinos maximopere auersati fuerint et neminem praeter Pharaones suos, vt sola inscriptio Rosettana -
docet, diuino honore habuerint; clarum est, illum Canobum non fuisse neque peregrinum
neque nauclerum proprie. Nauclerus vero Menelai (C) sane Canobus (2) constans O comes vocari -
poterat. Huc accedit, quod sarcophagus Sethi vel Sesostridis non in sepulcris Thebanis, vbi
reliqui regum sarcophagi inuenti sunt, sed Alexandriae in basilica antiquissima conseruatus fuit 5),
qua quidem in prouincia et vrbe Canobus a Troia redux appulisse dicitur cum Menelao. Quae
quidem omnia adeo inter se consentiunt, vt non improbabile sit, Menelaum nostrum siue Sethum,
Sesostridem, Thuorin, Aegypti principem, partem habuisse in bello Troiano. Qui quum mortuus
sit anno 1555 a. Ch. a Troia redux; inde colligi possit, anno 1554 a. Ch. Troiam excisam
fuisse. Sed faciamus haec omnia esse parum certa; veteres saltem in eo consentiunt, Thuori
vel Polybo Homeri regnante Ilium captam esse. Iam duo reges Thuores commemorantur a ve
teribus, alter dynastiae XIX. primus rex, alter sextus. Ad huius quidem aetatem Syncellus bellum
Troianum refert. At Syncellus, quum Mosen non ad primum Amosin, sed ad secundum retulisset
etiam non primo Thuori, sed secundo dynastiae XIX. regi Troiae expugnationem adscribere debuit. -
Quam ob causam haec epocha sane caderet in annum 1554 a. Ch. Sin recte se habet,
quod Syncellus tradit, Troia saltem diruta fuit nonnisi circiter 153 annis post, siue 1400 a. Ch.
A Thueris enim primi morte vsque ad secundi sunt anni 153, teste Africano; vel 139, vt Eusebius -
vult. Itaque Troia est capta aut anno 1554, aut, quod minus probabile, 1400 a. Ch. Ex
quo sequitur, multum eos errasse, qui Troiam 800, vel 1100, vel 1200 annis a. Ch. fuisse expugnatam ¬
tradiderint.
lam duabus historiae antiquissimae epochis grauissimis astronomice constitutis, clarum est,
inde omnem chronologiam antiquiorem emendari et corrigi debere. Quemadmodum enim Exo
dus Israelitarum atque bellum Troianum in alia tempora incidunt, quam vulgo putarunt; ita
et reliqui tum priores tum posteriores historiae euentus alias ad aetates, quin alia ad saecula revocari ¬
debent. Quae quum grauissima sint, hanc apponere licet tabulam chronologicam, ex qua
reliqua iam pendent 6).
4) Epiphan. in Ancorat. §. CVIII. Opp. T. II. p. 109. Pet. Schlaeger de Numo Hadriani plumbeo p. 93.
5) Vid. Descript. de l’Eg. Explicat. des Pl. A. Vol. V. Alex. p. 523. ss.
6) Coquerel in libro: Lettre à M. Ch. Coquerel sur le système de M. Champollion, considéré dans ses
rapports avec l’Ecriture Sainte. Amsterd. 1825. 8., studuit chronologiam antiquam ad noua principia reuocare
Sed quum chronologia nostra astronomica 130 annis differat a Cbampollionis, sane epochae historicae inde
constitutae multum adhuc a vero alienae sunt.
