— 313 §. -
9.
Ordo III. obseruationum astronomicarum a veteribus Aegyptiis
descriptarum.
Papyrus funeralis in Museo d'Hermandi asseruata.
Description de l'Egypte Vol. V. Pl. 44. Fig. 7. Vid. Tab. IX. Litt. A. B. C. huius voluminis.
I. Introductio.
Hoc monumentorum astronomicorum genus eo praecipue differt a superioribus, quod breuiu
Zodiaci Signa partesque minores describit, in quibus septem planetae versati sint. Hinc paucis
versibus omnium planetarum loca indicantur. Hinc eaedem figurae ad varias Zodiaci partes,
quippe variis in Signis iisdem Dominis adscriptas, exprimendas adhibentur. Hinc naues astronomicae ¬
aut nuspiam, aut rarissime exponuntur. Hinc nomina numinum hieroglyphica omittuntur.
Eo autem differt hoc genus a proxima scriptorum astronomicorum classe, quod planetas et numina ¬
Zodiacalia, non literis meris hieroglyphicis, sed numinum Aegyptiorum simulacris exprimit.
Huius generis sunt papyri funerales pleraeque, vulgo liturgicae dictae. Quo ex ordine est etiam
papyrus d’Hermandi, vt statim videbimus. Longitudo papyri est = 1m 20 (3ds 8° 5), altitudo
— Om 24. (8° 10)); vnde clarum, nostrum exemplum ter circiter minorem esse autographo. Literae, -
quae in autographo rubramento scriptae apparent, nostra in Tabula expressae sunt punctis.
Teste Jomardo, V. C., papyrus d’Hermandi, quam de Revil cum editoribus Operis Francogallici
communicauit, accuratissime descripta fuit in Tabula dicta. Ceterum Thebarum regio eius patria
esse videtur. De reliquis non constat.
II. Explicatio papyri.
Iuuabit ante omnia regulas praefinire, ad quas haec inscriptio astronomica sit explicanda.
Quamuis papyrus nostra differre videatur a superioribus monumentis astronomicis; apparebit
tamen, fere nihil eam ab illis differre indole sua.
I. Figurae per totam papyrum expositae non sunt nisi 7 planetae atque Zodiaci partes cum
planetis ratione quadam coniunctae, quae vim apotelesmaticam haberent in genitura sacerdotis
cuiusdam Aegyptii in margine nominati.
II. Planetae exprimuntur figuris maxime insignibus (Lin. A. 8. b. c; 7. b; 6. b; 5. c; B. 4. e.
c. b; 1; 5; C. 7; 1.), vt reliquis in Tabulis.
III. Tribus in versibus (A. B. C.) continentur Domini Domuum, Trigonorum, Decuriarum,
Horiorum, Dodecatemoriorum et Moerarum cum 7 planetis coniunctarum, vt reliquis in Tabulis.
IV. Horoscopus, siue Signum oriens, quum O occideret, singulari loco indicatur (B. 1.), vt
reliquis in Tabulis.
V. Planetae, qui ab alio adspiciuntur ratione % et □, ponuntur cum eo ipso eadem in
linea, ita vt coniungantur suis cum Oecodespotis et Trigonodespotis (A. 8.7. 6. 5.), yt reliquis
in Tabulis.
Rr
