239
Itaque apparet, astronomum Aegyptium satis accurate planetarum loca obseruasse, vel computasse. ¬
Egregie enim loca indicata conueniunt cum nostris tabulis astronomicis atque infra
videbimus discrepantiam illam esse multo minorem, quum loca planetarum pro illo tempore et
tractu accuratius computantur. Caeterum reliquae templi Tentyritici inscriptiones testantur, reuera
esse annum 37 p. Ch., quo Zodiacus noster exsculptus, vel saltem praeparatus sit. Scilicet
constat, Aegyptios in monumentis suis notasse hominum natiuitates, a quibus putarunt pendere
futuram eorum sortem. Ergo sumendum, inscriptionem nostram continere natiuitatem quandam
personae illustris, forte auctoris templi, regis Aegypti vel imperatoris Romani. Profecto si inscriptiones ¬
templi Tentyritici in opere Francogallico vtut vitiosas perlustrare velis, inuenies, vbiquaque ¬
scripta et repetita fuisse nomina Neronis (NERON), Autocratoris (AUTOKRTR), Caesaris ¬
(CESAR), vbique fere eodem modo exarata 15). Haec enim nomina, quae exposuimus in
tabula nostra (Tab. IV. Lin. D. VI.), non solum in Zodiaco nostro et iuxta reperiuntur, sed
etiam in columnis et omnibus templi parietibus tum interioribus, cum exterioribus. Vir clarissimus ¬
Huyot, architecta Parisinus, qui annos nonnullos peregit inter monumenta Aegyptiaca, liberalissime ¬
mecum communicauit annulos regios in templo Tentyritico vbique locorum repertos, quibus ¬
eadem Neronis nomina et cognomina leguntur. Henricus Salt, Consul Anglorum Alexandrinus, ¬
eodem in templo inuenit eadem nomina et cognomina Neronis 16). Champollion jun. ipse,
quum de eo disputaretur, vtrum Zodiacus Tentyriticus post diluuium an ante diluuium exstiterit
memorauit, iuxta Zodiacum Tentyriticum minorem reperiri Neronis nomen. At quaestio adhuc
erat, an Caesaris nomen vere pertineret ad Zodiacum, hinc vero, an pertineret ad Zodiacum nostrum, ¬
a minore illo diuersum. Hinc Odofredus Müllerus in Archaeologia sua tradidit, Zodiacum
Tentyriticum minorem esse ex aetate Neronis, maiorem ex aetate Domitiani. Nunc vero facilius
cuique persuadebitur, Zodiacum nostrum pertinere ad Caesaris, quippe Neronis nomen, eiusque
annum quidem natalem. Nimirum constat, Neronem natum fuisse anno 37 post Ch., 15 Decembri,
quem annum obseruatio nostra astronomica ipsa luculentissime et certissime arguit. Quod vero
Zodiacus noster non ipsam diem Neronis natalem, sed diem 13 Aprilis respicit, eius rei causa
astrologiae ratio fuisse videtur. Scilicet, vt Firmicus ait, veteres summa cum trepidatione de
astrologia locuti sunt et scripserunt. Sane aliquid sublimis et verendi haberet astrologia, si non,
quod veteres ignorarunt, esset fallax. Itaque astrologi de consilio hominum, vel regum saltem,
non natiuitates proprias, sed planetarum constellationes alio certo eiusdem anni die consignasse
videntur. Praeterea, quum constellationes astronomicae ad reges spectantes, vt infra videbimus,
pleraeque ad certum C locum in V vel diem quendam relatae sint ab Aegyptiis; probabile est,
hunc vsum niti mythologica quadam doctrina. Forte ab hoc inde O loco ac die sacro Aegyptii
numerarunt annos astronomicos. Vtut sit, negari nequit, inscriptionem nostram astronomicam
spectare ad annum, quo Nero imperator natus est. Quum vero Neronis nomen non solum in
ipso Zodiaco linea tertia, sed etiam in omnibus partibus templi scriptum sit; quum figurae Zodiaci ¬
tum maioris nostri in Pronao, tum minoris superiori in camera excisi, qui quidem nunc
15) Vid. Descoript. de l'Eg. Ant. Vol. IV. Pl. 16.23, 45. al, col. Tab. nostra IV. Lin. D. V. VuI.
16) Essay on Young’s and Champ. phonet. syst. Lond. 1825. pag. 62. no. 6. 7.
