— VI
antiquae, tam multae tamque aptae inuenirentur astronomicae inscriptiones. Circiter
2000 et quod excurrit Aegyptiorum obseruationes ad nostram aetatem peruenerunt,
quae ab aetate Abrahami, Josephi, Mosis vsque ad Constantinum M. vno quasi
tenore sese excipiunt. Quibus in monumentis praeter septem planetarum loca simul
obseruata commemorantur historiae epochae, maxime regum natalitiae, quibus astra
obseruata essent. Longitudo planetarum accuratissime describitur, adeo vt nullo
de gradu, quin passim nulla de minuta atque secunda dubitare possimus. Constat
autem, qualemcunque constellationem septem planetarum (Chz?§ )) per 215000
annorum, accuratius per plura centies centena millia semel tantum accidere, quin in
tanto temporum spatio nonnisi vnum esse diem, quo obseruari possit. Facillimum
vero est et certissimum, eruere diem, quo tales astrorum obseruationes exstiterint,
ope tabularum nostrarum astronomicarum. Qua de causa illis 2000 astronomicis
inscriptionibus totidem historiae epochae mirum in modum accurate, quippe non
solum pro anno, mense et septimana, sed etiam pro die et hora definiuntur. Sane
nemo haec talia exspectare potuit. Ceterum regum Aegyptiorum aliorumque populorum ¬
dynastiae deinceps magna ex parte enumerantur apud historicos atque in
Tabula Abydica a Bankes reperta a Diluuio inde vsque ad Caesarem. Item inscriptio
a Burton et Wilkinson inuenta continet catalogum regum antiquissimorum duarum
dynastiarum. Historia Aegyptiaca cohaeret cum Hebraica, Graeca, Aethiopica, Persica,
Indica. Quae nationes itidem cum aliis res nexas et coniunctas habent et sic porro.
Constat de regibus variorum populorum coaeuis. Hinc paucissimae iam obseruationes -
astrorum ad certos reges relatae, siquidem satis antiquae, sufficerent ad omnem
chronologiam corrigendam. Tales vtique sunt inscriptiones nostrae annis 1832,
1693, 1631 a. Ch. confectae (Tab. VII. VI. V.). Duo sunt in chronologia antiqua omnino ¬
grauissima: Exodus Israelitarum ex Aegypto atque finis belli Troiani. Aetatem ¬
Mosis chronologi posuerunt alii anno 1487, alii 1854, alii 1491, alii 1835, alii
1571, alii 1821, alii 1731, plerumque 1500 a. Ch. Mira sane discrepantia 367 annorum. ¬
Bellum Troianum dicunt finitum alii anno 854, alii 1270, alii 1180, alii
1209, alii aliis a. Ch. Jam ex obseruationibus tribus nostris antiquissimis longe
certioribus fide Codicum, quum inuicem sese confirment atque cum Tabula Abydica
vetustissima conueniant, sequitur, Mosen anno 1908 ex Aegypto excessisse, Troiam
anno 1555 a. Ch. expugnatam esse (p. 339.). Ergo chronologi, numerorum et Codicum ¬
erroribus decepti, partim 400, quin 700 annis aberrarunt a vero. Solus Syncellus, ¬
qui Exodum ad annum 1954 a. Ch. retulit, siquidem initium dynastiae
XVIII., haud multum differt ab astrorum testimoniis. Quodsi venerandum ecclesiae
