— 80
praedicari poterant. Sic in columna notissima Isidis haec Dea vocatur domina regionis Nisaeae,
tum domina nomi et vrbis Bubastis, tum nutrix Aegypti. Eadem dicitur Saturni filia natu
maxima et Mercurii discipula, inuentrix frugum et oriens in Canis sidere 32*). Quae quidem
mythorum, vel adtributorum diuinorum repugnantiae explicari sane nequeunt, quum obliuiscimur,
Aegyptios ad vnum idemque numen, vel ad eundem planetam permultas et peruarias mundi partes
retulisse. Idem valet de nominibus numinum. Quamquam enim aliis ea nominibus vocarunt,
quum sunt planetae; aliis, quum sunt signorum domini aut Decani; aliis porro, quum ventis, aut
regionibus, aut nemoribus, aut fluuiis aliisue rebus praesunt: manet tamen in omnibus genuina
quaedam indoles, veluti genuina substantia. Hanc quidem ob causam veteres Solem et Lunam et
alios planetаs аоarunt uна еааоииио, nuне оlohoug 2)
Itaque nihil obstat, quin concludamus, omnes Aegyptiorum Deos Deasque proprie ad astronomiam ¬
spectare. Quum vero mythologia Aegyptiorum est astronomica; sequitur, omnes personas
eorum mythologicas esse symbola astrorum tum planetarum, tum partium Zodiaci. Quod quidem
ante omnia nobis hac nostra de Aegyptiorum astronomia disputatione demonstrandum erat. Quum
vero Aegyptiorum numina sua habeant nomina singularia, atque variis imaginibus et insignibus
peculiaribus exprimantur, nec non variis animalibus aliisque rebus sacris significentur; triplex
Aegyptiorum est symbolice astronomica, phonetica scilicet, imaginea atque mimetica, si dicere
licet. Animalia enim et caetera sacra Deorum, quorum symbola sunt, naturam imitari dicuntur.
§. 4.
Nomina mythologico - astronomica.
Admodum probabile est, innumera fere fuisse numinum Aegyptiorum nomina et cognomina.
Quum enim ipse Sol et Luna nunc avoiovvuot nunc nołvovvuor, vt vidimus, dicantur; vix dubium
est, quin veteres reliquis etiam planetis varia nomina tribuerint. Quemadmodum vero Di
Aegyptiaci aliis nominibus appellantur, quum planetas significant, aliis, quum dominantur 12 Signis
coelestibus, aut 36 Decuriis; ita quoque tamquam patroni 60 Horiorum, et 120 Toporum, et 144
Dodecatemoriorum, et 360 Graduum, et aliorum domiciliorum domini sua nomina peculiaria tenuisse
videntur. Nihil dicamus de dominis regionum, ventorum, aquarum aliarumque rerum terrestrium
nihil de Chronocratoribus. Sed de his nominibus mythologico- astronomicis admodum pauca veteres ¬
nobis conseruarunt, quorum catalogus infra. His accedunt nomina planetarum vulgaria,
signorum Decanorum, Stationum Lunarium, Mensium atque regum Aegyptiacorum primorum 34)
Non ineptum esset hoc loco, omnia haec vocabula explicare atque ad radices suas Copticas reducere; ¬
sed vereor, ne operam et oleum perdam. De nominibus enim Deorum Aegyptiacorum
passim Jablonskius disputauit in Pantheo suo, quorum multa nimis incerta esse videntur; certiora
infra afferantur. Decanorum nomina Salmasius tentauit; sed de his dolendum, miram esse codicum ¬
atque Firmici et Valentis discrepantiam. Signorum vero et Stationum Lunarium nomina,
32") Diodor. Sic. Biblioth. Lib. I. cap. 27. pag. 31.
33) Vid. Jablonskii Panth. Aeg. Vol. 1. p. 157. ss. II. 55. ss.
34) Vid. sup. P.I. §. 4. §. 17. §. 32. rel. pag. 12. 23. 40.
