COmpoſitam dicimus colliſionem ubi plura dantur quam
duo corpor a concurrentia, aut ubi corpus unum in plu-
ra plana eodem tempore incurrit.
In hoc capite quædam examinabo circa colliſionem tri-
um corporum, & impactionem corporis in duo pla-
na.
Corpus P, velocitate AP, incurrit in angulum GCF, juxta
directionem AP; determinandum qua actione in utrumque
planum GC & FC incurrit.
Notandum corpus, integram ſuam amittere vim; ponimus
enim obſtaculum fixum.
Ductis AB & AD, quæ cum CG & CF angulos effi-
ciunt rectos, ſint PE & PH ad has reſpectivè parallelæ.
Si nunc concipiamus Corpus P, eodem tempore ferri per
AE & AH, velocitatibus hiſce lineis proportionalibus, revera
movebitur per AP velocitate AP ; ideò poſſumus conſi-
derare corpus, dum pertingit ad P, agitari velocitatibus
HP & EP, & juxta haſce directiones in plana CG, CF
incurrere directè ita ut quæſtio eo reducatur, quibus viribus
corpus eodem tempore per AE & AH ferri poſſit.
Si angulus FCG eſſet rectus, & rectus eſſet angulus
EAH; idcirco motus hi neque contrarie agerent, neque
ad eandem partem tenderent, & quadratis velocitatum AE
& AH actiones proportionales eſſent .
Ubi autem angulus, quem plana continent, eſt acutus, aut
obtuſus; ut in hiſce figuris, ducendæ ſunt ad AP perpen-
diculares EL, HI. In motu per AE continetur motus
per AP velocitate AL; in motu per AH continetur motus
per AP velocitate AI, & nil præterea ex motu per A P
in his motibus continetur, propter angulum rectum AIH ,
Ita ut non interſit, quantum ad motum corporis, utrum eo-