Full text: Du Choul, Guillaume: DISCOVRS DE LA RELIGION DES ANCIENS ROMAINS

27.

Figure
Type: drawing
MEDAILLE DE IANVS.
BRONZE
   La raison pour laquelle les antiques medailles auoyent la teste de Ianus auec deux visaiges, Plutarque l'a

mis en ses Problemes: qui recite, que Ianus reduisant les hommes sauuaiges à toute humanité & doulceur, en leur donnant bõnes loix & coustumes pour leur necessaire commodité, entre les autres choses il monstra, que l'abondance de tous biens autant des champs que des lieux circonuoisins & des loingtaines regions, se cõduisoyent par les fleuues, & par la mer: & par ce moyẽ rien ne se pouuoit desirer qui seruist à nostre vsaige. Depuis la medaille de Ianus fut ainsi coignée, c'estassauoir, qu'elle monstreroit d'vn costé le visaige double du Legislateur, qui signifioit le changement & forme de leur vie. Aucuns rendẽt vne autre raison, que Ianus pour rẽdre la memoire immortelle de Saturne, qui estoit arriué en Italie dedans vn nauire, lequel il auoit associé en son royaume, pource qu'il luy auoit enseigné l'agriculture, & qu'il auoit esté auteur de meilleur vie, il feit mettre en sa monnoye l'effigie de sa teste, qui estoit double, & le nauire qui auoit amené Saturne en Italie. Ce que Ouide a dit par ces vers, 
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer