48.

49.

Semisses minimi.

   
In una parte.

37. Juppiter laurea decoratus corona, laeuo obtutu depictus
est. ad ceruicem est ponderis nota. S. absque alijs literis.

   
In altera.

Rostrum nauis maxima arte factae, sinistrosum, si opus
foret, nauigaturae: impressum est. cuius in infimo
limbo, subter parasemonem Victoriola, ambab. manibus
eleuato pectore, Lauream coronam alte attollit.
Supra. S. nota eadem, quae in superiori parte. inde
legitur. NEMMIVS. Semissem hunc aeneum paruum
uidi Romae apud D. Antonium Augustinum.

   
In una parte.

38. Jouem eundem reperio, eodem ornatu, eadem forma,
ut proxime. imo et signum idem ponderis.

   
In altera.

Rostrum nauis eodem tendens, quo proximum, uerum
artificio a superiore discrepans. Cuius in carina ceu
porticus contabalata, cernitur. Supra id lego. L. RV.
AP. Semis hic apud D. Antonium Augustinum Romae
mihi est conspectus.

   
In una parte.

39. Jouis eadem cum superioribus figura, ornatus idem,
eadem forma. Signum aeris idem.

   
In altera.

Rostrum quidem est idem, eodem nitens, sed opere longe
praestat caeteris. Praeterea in summa carina Victoria


stans.