Full text: Goltzius, Hubert: SICILIA ET MAGNA GRAECIA SIVE HISTORIAE VRBIVM ET POPVLORVM GRAECIAE EX ANTIQVIS NVMISMATIBVS RESTITVTAE

32.

33.
IDEM LATINO CARMINE
AB EODEM CORNELIO BRINCTIO AMORFORTIO
REDDITVM.


ROMA supercilium, cristásque erexerat olim
Europae spolijs Libyaeq́ue, Asiaeq́ue subactae
Ornari delubra Deûm, suarostra, forŭmque,
Priuatàsque domos, atque alta palatia patrum:
Inq́ue suum congesta sinum cimelia, gazas,
Thesaurósque suo quae viscere condidit orbis.
Nec verò vnius bona tanta accepta ferebat
Virtuti, factisque viri, sed fortibus ausis
Multorum auspicijsque ducum, qui fortiter hasta
Extendêre sui pomaeria publica regni.
AEquiùs at quantò se Belgica terra beatam
Praedicet, ostentétque suis turgentia gazis
Scrinia, quas (mirum) spoliatis possidetipsis
Romanis rerum dominis: sollerte labore,
Vniusque viri virtute, industria cuius
Exsuperat cunctos quotquot terra educat alma;
Nomine quem HVBERTVM GOLTZVM cognomine vero
Teutones appellant: ex hubere nam que corusci
Auri non secus ac è cornu copiae aceruo,
Omnia quae Europae clarissima regna Latini
Nominis, Hesperia ac Germania, Gallia tota,
Ausoniaeque vrbes cimelia pulcra tenebant:
Omnia quae ex auro pretiosa numismata fuluo
GRAECIA diues opum priscis procuderat annis,
Erepta Illyrijs, Siculis, Calabrisque beatis,
Thracibus, ac Macedûm populis bellacibus, imum
Belgarum in gremium profudit diuite dextra.
Nec solidum satis officium, domúmue putauit
Se dare, ni penetrans Asiam, populatus Ionas,
Vt Belgas ornet, numis spoliaret auitis,
Efsossis gazis. Otérque quatérque beatam
Belgarum gentem, veterum monumenta virorum
Aurea quae in gremio felici condita seruas
Ergo agedum auctori tantorum grata bonorum,
Quem nullus terrere labos, terrere periclum
A studio potuit, quin téque tuósque bearet,
Praemia pro meritis si non persoluere summis
Digna potes, saltem bona cuncta ac fausta precare.


Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer